नवी दिल्ली : वृत्तसंस्था
देशभरात सुरु असलेली दरवाढ आणि बेरोजगारीच्या विरोधात काँग्रेसने आज देशभर आंदोलन पुकारलेले होते. हेच आंदोलन दिल्लीत काँग्रेसने पंतप्रधान निवास आणि राष्ट्रपती भवनला घेराव जाहीर केला होता. त्यानंतर या भागात कलम १४४ लागू करण्यात आले आहे. राष्ट्रपती भवनाजवळ कडेकोट सुरक्षा व्यवस्था ठेवण्यात आली आहे. मात्र काँग्रेस नेते राहुल गांधी आणि प्रियंका गांधी यांनी दिल्लीतील आंदोलनात सहभागी होऊन विरोध प्रदर्शन केलं. त्यानंतर त्यांना पोलिसांनी ताब्यात घेतलं.
#WATCH | Police detain Congress leader Priyanka Gandhi Vadra from outside AICC HQ in Delhi where she had joined other leaders and workers of the party in the protest against unemployment and inflation.
The party called a nationwide protest today. pic.twitter.com/JTnWrrAT9T
— ANI (@ANI) August 5, 2022
पक्षाचे नेते सर्व राज्यांमध्ये निदर्शने करण्याच्या तयारीत आहेत. खासदार राहुल गांधींना ताब्यात घेतल्यानंतर पोलिसांनी प्रियंका गांधींनाही ताब्यात घेतलं आहे. प्रियंका गांधी आपल्या कार्यकर्त्यांसह पीएम हाऊसकडे जात असताना पोलिसांनी त्यांना अडवले. यावेळी प्रियंका यांनी बॅरेकेड्स ओलांडत पीएम हाऊसकडे आगेकूच केली होती. यावेळी पोलिसांनी प्रियंका गांधी यांनी अक्षरश: फरफटत नेलं. त्यानंतर त्यांना ताब्यात घेण्यात आलं. मात्र प्रियंका गांधी यावर थांबल्या नसून त्यांनी पोलिसांसमोर रस्त्यावरच धरणे दिले.
पत्रकार परिषदेत राहुल गांधी यांनी सरकार हुकूमशाही असल्याचा आरोप करत सरकारवर जोरदार हल्ला चढवला. संसदेत बोलू दिले जात नाही, असे ते म्हणाले. अटक केली जात आहे. देशातील लोकशाही संपत असताना तुम्हाला कसे वाटते, असे राहुल म्हणाले. महागाई आणि बेरोजगारीविरोधात काँग्रेसचे देशव्यापी आंदोलन सुरूच असताना काँग्रेसच्या अध्यक्षा सोनिया गांधी देखील या आंदोलनात सहभागी झाल्या होत्या. त्यांनी काळे कपडे परिधान करून निषेध सरकारच्या धोरणांचा निषेध नोंदवला.
