अमळनेर : विक्की उत्तम जाधव
येथिल प्रताप महाविद्यालय(स्वायत्त), वनस्पतीशास्त्र विभागामार्फत स्वातंत्र्य दिनाचे औचित्य साधून सृजनशील आशा विषयाच्या रांगोळी स्पर्धेचे आयोजन १४.०८.२३ रोजी करण्यात आले होते. या स्पर्धेचे उद्घाटन खान्देश शिक्षण संस्थेचे कार्याध्यक्ष डॉ. अनिल शिंदे यांच्या -हस्ते पार पडले.
या वेळी संस्थेचे चिटणीस तथा प्रताप महाविद्यालयाचे प्राचार्य प्रा.डॉ.ए.बी.जैन यांनी वृक्षारोपण केले. सदर स्पर्धे मध्ये एफ.वाय. ते टी.वाय. बी.एस सी. पर्यंतच्या विद्यार्थ्यांनी सक्रिय सहभाग नोंदवून वनस्पती शास्त्रातील अभ्यासल्या जाणाऱ्या विविध पैलूंच्या रांगोळी काढून त्याला जिवंतपणा देण्याचा मूलभूत असा प्रयत्न केला. या स्पर्धेमध्ये प्रथम क्रमांक, द्वितीय क्रमांक,तृतीय क्रमांक तसेच उत्तेजनार्थ आलेल्यांना बक्षिसे एका मोठ्या कार्यक्रमात दिले जाणार आहेत. या कार्यक्रम प्रसंगी वनस्पतीशास्त्र विभाग प्रमुख प्रा.जयेश साळवे, राज्यशास्त्र विभाग प्रमुख प्रा.डॉ.विजय तुंटे, इतिहास विभाग प्रमुख प्रा.डी.आर.चौधरी, ग्रंथपाल प्रा. दिपक पाटील, तत्त्वज्ञान विभाग प्रमुख एम.जी.भुसनर, प्रा.डॉ.आर.सी सरवदे,प्रा.आनंद गावित आदि उपस्थित होते. या स्पर्धेच्या आयोजनात विभागाचे प्रा.एम.जी.पाटोळे, प्रा.जे. पी.पडुल, प्रा.जे.बी.पाटील, प्रा. एच.जी.पाटोळे, प्रा.आर.पी.सपकाळे, श्री. संदीप बिऱ्हाडे आदिंचे विशेष सहकार्य लाभले.