जळगाव मिरर | ४ ऑगस्ट २०२५
रावेर पोलीस स्टेशनचे पोलीत निरिक्षक डॉ. विशाल जयस्वाल यांना गोपनीय माहिती मिळाल्यावरून रसलपूर येथील अवैध कत्तलखान्यावर दि. २ ऑगष्ट रोजीचे दुपारी तीनच्या सुमारास कारवाई केली.
सविस्तर वृत्त असे कि, रसलपूर येथे फिरोज खाँ रजाक खाँ (वय ४०, रा. रसलपुर ता. रावेर) याच्या राहते घराच्या मागील बाजुस ओसरीमध्ये कत्तलखाना सुरु आहे. त्याठिकाणी गोवंश जातीचे जनावर ठार मारुन त्याचे मास विक्री करण्यासाठी नेणार आहेत, अशी माहिती डॉ. विशाल जयस्वाल यांना मिळाली.
त्यानुसार पोलीस निरिक्षक यांनी पोउपनि. तुषार पाटील, प्रमोद पाटील, विशाल पाटील, पुजा साळी, भुषण लपकाळे व श्रीकांत चव्हाण यांना लागलीच रसलपूर येथे रवाना केले. हे पथक संशयित इसमाच्या घरी पोहोचले असता त्याठिकाणी इसम फिरोज खों रज्जाक खों व मोहसिन खाँ नय्युम खों (दोघेही रा. रसलपूर) है गोमास गोळा करून ते तराजुने मोजताना दिसून आले.
त्यावेळी पोलीस आल्याचे चाहुल लागल्याने आरोपी हे पळून गेले. त्यानंतर त्यांना गुन्हे शोध पथकाने शिफातीने पकडून त्यांना अटक केली आहे. या कारवाईत ५५०० रु किंमतीचे अंदाजे ३२ किलो गोमांस, २० हजार रुपये किंमतीची अंदाजे २ वर्षाची लाल रंगाची गाय, कुऱ्हाड, सुरे इ. जप्त करण्यात आले आहे. जप्त करण्यात आलेल्या गोमांसातून पशुवैद्यकिय अधिकारी नमुने घेवून त्याची उर्वरित गोमासाची योग्यरित्या विल्हेवाट लावण्यात आली आहे. याची छापा कारवाई पोलीस अधिक्षक, महेश्वर रेड्डी, अप्पर पोलीस अधिक्षक अशोक नखाते, उपविभागीय पोलीस अधिकारी, घोलप उपविभाग फैजपूर यांच्या मार्गदर्शनाखाली पोलीस निरिक्षक, डॉ. विशाल जयस्वाल यांच्या नेतृत्वात पोउपनि तुषार पाटील, गुन्हे शोध पथकातील प्रमोद पाटील, विशाल पाटील, पुजा साळी, भुषण सपकाळे व श्रीकांत चव्हाण यांनी केली आहे. गुन्ह्याचा पुढील तपास पोउपनि तुषार पाटील तपास करीत आहेत.
