जळगाव मिरर | २८ जुलै २०२५
घरी कोणीही नसताना सुपडू गुलाब तडवी (वय ६१, रा. सुंदरमोती नगर, वाघ नगर) या महाराष्ट्र जीवन प्राधिकरणमधून सेवानिवृत्त झालेल्या अभियंत्यांनी गळफास घेत आत्महत्या केली. ही घटना शनिवारी दुपारी उघडकीस आली. त्यांच्या आत्महत्येचे कारण अस्पष्ट असून याप्रकरणी पोलिसात अकस्मात मृत्यूची नोंद करण्यात आली आहे.
सविस्तर वृत्त असे कि, शहरातील वाघ नगरात सुंदमोती नगरात सुपडू तडवी हे वास्तव्यास होते. ते महाराष्ट्र जीवन प्राधिकरणमधून सेवानिवृत्त झाले होते. घरी कोणीही नसल्याने सुपडू तडवी हे घरी एकटेच होते. त्या वेळी त्यांनी गळफास घेत आपली जीवनयात्रा संपविली. ही घटना लक्षात येताच त्यांना शासकीय वैद्यकीय महाविद्यालय व रुग्णालयात दाखल केले असता डॉक्टरांनी मयत घोषित केले. याप्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. मयताच्या पश्चात पत्नी, मुलगा, मुलगी असा परिवार आहे.
