जळगाव मिरर | १८ मे २०२५
देशातील संसदरत्न पुरस्कार 2025 जाहीर झाले आहेत. संसदरत्न पुरस्कारात महाराष्ट्राची बाजी बघायला मिळाली. महाराष्ट्रातील 7 खासदार ठरले संसदरत्न ठरले आहेत. जळगाव लोकसभा मतदारसंघाच्या खासदार स्मिता वाघ यांनाही संसदरत्न पुरस्कार जाहिर झाला आहे.
उत्कृष्ट आणि सातत्यपूर्ण योगदानासाठी त्यांना हा पुरस्कार देण्यात येणार आहेत. महाराष्ट्रातून सुप्रिया सुळे, श्रीरंग बारणे, भर्तूहरी महताब, एन.के. प्रेमचंद्रन, अरविंद सावंत, नरेश म्हस्के, स्मिता वाघ, मेधा कुलकर्णी, वर्षा गायकवाड यांना संसदरत्न पुरस्कार जाहीर करण्यात आले आहे. लोकसभा आणि राज्यसभा सचिवालयाच्या आकडेवारीवरून प्राइम पॉइंट फाउंडेशन या संस्थेकडून हे पुरस्कार दरवर्षी प्रदान केले जातात.
भारताचे माजी राष्ट्रपती डॉ. ए.पी. जे अब्दुल कलाम यांच्या आग्रहाखातर प्राइम पॉइंट फाउंडेशनने हा पुरस्कार सुरू केला. 2010 ला या पुरस्काराचे अब्दुल कलाम यांनी उद्घाटन केले. दरवर्षी संसदेत आपल्या कामाची छाप पाडणाऱ्या खासदारांना हा पुरस्कार दिला जातो. केंद्रीय मंत्री, निवडणूक आयोगाचे माजी सहसंचालक यासारखे अनेक सदस्य या पुरस्कारासाठी नावांची शिफारस करत असतात. हा एक प्रकारचा नागरी सन्मान समजला जातो. लोकसभा आणि राज्यसभा यातील कामकाजामध्ये घेतलेला सहभाग, उपस्थित केलेले प्रश्न, मांडलेले प्रस्ताव, संसदेतील उपस्थिती आणि एकूण कामगिरीबद्दल हे पुरस्कार दिले जातात.
