जळगाव मिरर | १७ ऑगस्ट २०२३
मागील महिन्यात मुंबईतील एका रेल्वे स्थानकावर एका पोलिसाने भरधाव वेगात असलेल्या रेल्वेमध्ये गोळीबार केल्याने ४ जणाचा दुर्देवी मृत्यू झाल्याची घटना ताजी असतांना मुंबईच्या एका रेल्वे स्थानकावर एका व्यक्तीने प्रवाशीला चापट मारल्यानंतर जे घडल ते धक्कादायक होते. हि घटना सायन रेल्वे स्थानकावर घडली आहे.
मिळालेल्या माहितीनुसार, मुंबईच्या सायन रेल्वे स्थानकावर एका अनोळखी व्यक्तीने एका प्रवाशीला चापट मारल्यानंतर हा प्रवाशी थेट लोकलखाली सापडून त्याचा दुर्दैवी मृत्यू झाल्याची घटना उघडकीस आली आहे. रागाच्या भरात त्या व्यक्तीने चापट मारली होती. त्यानंतर तो रेल्वे रुळावर पडला होता. तेवढ्यात लोकल आली आणि तो तिच्याखाली सापडला. हि दुर्देवी घटना रविवारी रात्री ९.१० वाजे दरम्यान घडली असून तिचे सीसीटीव्ही फुटेज आज गुरुवारी बाहेर आले आहे. धारावीचे शीतल माने व त्यांचा पती अविनाश माने हे दाम्पत्य सायनहून मानखुर्दला जात असतांना ते प्लॅटफॉर्मला रेल्वेची वाट पाहत होते. यावेळी याठिकाणी २६ वर्षीय दिनेश राठोड हा व्यक्ती शीतल माने यांना धक्का लागला. हा धक्का लागल्यानंतर महिलेने जवळ असलेल्या छत्रीने दिनेश राठोड यास मारहाण केली हे पाहून त्यांच्या पतीने दिनेश यांच्या कानशिलात जोरदार थापड लावली असता ही थापड एवढी जोरदार होती की, दिनेश थेट रेल्वे रुळावर जाऊन पडला. तेवढ्यात अचानक लोकल आणि ते तिच्याखाली सापडले. या घटनेत जखमी झालेल्या दिनेश यांना तातडीने लगतच्या रुग्णालयात दाखल करण्यात आले. पण तिथे त्यांचा उपचारादरम्यान मृत्यू झाला. दादर जीआरपीने सीसीटीव्ही फुटेजच्या आधारावर या प्रकरणी 31 वर्षीय अविनाश माने व त्यांच्या पत्नी 30 वर्षीय शीतल माने यांना अटक केली आहे.
