चाळीसगाव : कल्पेश महाले
चाळीसगाव येथील धुळे रोड पुन्शी पेट्रोल पंपाजवळ सर्व एसटी बसेस यांना थांबा देण्यात यावा अशा आशयाचे निवेदन दिनांक १९ जुलै रोजी चाळीसगाव शिवसेना महिला आघाडी व शिवसेना पदाधिकाऱ्यांच्या मार्फत अगर प्रमुख यांना देण्यात आले होते चाळीसगाव बस स्थानक ते धुळे जाणाऱ्या व धुळ्याहून चाळीसगाव येणाऱ्या सर्व बसेसला पुन्शी पेट्रोल पंपा जवळ बस थांबा देण्यात यावा आज पर्यंत या ठिकाणाहून असंख्य महिला व पुरुष बाहेरगावी कामानिमित्त दररोज जात असतात व रात्री बे रात्री अनेक पुरुषांची व महिलांचे हाल होत असतात याची दखल घेऊन शिवसेना महिला आघाडी तालुका सविता कुमावत यांच्या नेतृत्वाखाली शिवसेना महिला आघाडीच्या वतीने हे निवेदन देण्यात आले होते.त्याची दखल चाळीसगाव बस आगार प्रमुख यांनी घेऊन दिनांक 8 ऑगस्ट पासून धुळे रोड पुन्शी पेट्रोल पंप येथे एसटी बसला थांबा देऊन शिवसेनेची मागणी मान्य केली आहे आज या ठिकाणी एसटी बस थांबली असता परिसरातील नागरिक महिला यांनी बसचे स्वागत करून चालकाचा पुष्पहार घालून सन्मान केला.
यावेळी परिसरातून शिवसेना महिला आघाडी तालुका प्रमुख सविता ताई कुमावत, मिनोती जगताप,छाया पाटील,अनिता पवार,स्वाती पुजारी,पूजा थोरात, रंजना महाजन,कल्पना निकम,ललिता वाघ,मोनाली महाजन, मीनाक्षी अहिरे,दिपाली अहिरे, वर्षा पाटील, रूपाली बोंबिटकर,शोभा महाले, मंगलबाई राजपूत, लताताई मगर, संगीता जाधव, रमेश शिंदे, सुभाष गडक,बापू माळी,राजाराजलम चव्हाण,मिस्त्री काका,महाजन काका,आदि या वेळी उपस्थित होते धुळे रोड परिसरातील नागरिकांनी सविता ताई कुमावत यांचे आभार मानले.
