जळगाव मिरर | ३० ऑगस्ट २०२३
जळगाव तालुक्यातील बोरनार येथे वाळू उपशासाठी वापरण्यात सात तराफे पोलिस व महसूल विभागाच्या पथकाने नष्ट केले. ही कारवाई मंगळवारी दुपारी गिरणा नदीपात्रात करण्यात आली. तराफ्यांद्वारेही वाळूचा उपसा केला जात असल्याचा प्रकार समोर येत आहे.
मिळालेल्या माहितीनुसार, धानोरा येथे सोमवारी तराफे नष्ट केल्यानंतर मंगळवारी बोरनार येथे कारवाई करण्यात आली. मंगळवारी दुपारी साडेतीनच्या सुमारास पथक गिरणा नदीवर पोहचले. तेथे वाळू लावण्यात आलेले सात तराफे जेसीबीच्या साहाय्याने नष्ट करण्यात आले. त्याला लावण्यात आलेल्या नायट्रोजनच्या टाक्याही तोडण्यात आल्या. या शिवाय बाजूला काठावर आढळून आलेली वाळू नदीपात्रात टाकण्यात आली.
यांनी केली कारवाई
तहसीलदार नामदेव पाटील यांच्या मार्गदर्शनाखाली मंडळ अधिकारी ए. यू. आंधळे, तलाठी प्रकाश जामोदकर, चंद्रकांत ठांगे, नितीश ब्याळे, पोलिस नाईक स्वप्निल पाटील, हेमंत पाटील, पोलिस पाटील शेखर बडगुजर यांनी कारवाई केली.
