अमळनेर : विक्की उत्तम जाधव
अमळनेर तालुक्यातील मांडळ येथील दोन शिक्षकांचे परिवार राजस्थानमधील जैसलमेर येथे फिरायला जात असताना भरधाव कंटेनरने त्याच्या चारचाकीला जबर धडक दिल्याने जागीच पाच जणांचा दुर्देवी मृत्यू झाल्याची घटना घडली आहे.
मिळालेल्या माहितीनुसार, अमळनेर तालुक्यातील मांडळ येथील शिक्षक धनराज नागराज सोनवणे (वय ५५) व योगेश धोंडू साळुंखे रा.पिंपळे रोड अमळनेर हे दोन्ही शिक्षक आपले परिवार घेऊन गाडी क्रमांक एम.एच ०४.९११४ ने राजस्थान फिरण्यासाठी दि. १३ रोजी दुपारी ३ वाजेच्या सुमारास बारमेर रस्त्यावर डोरीमना गावाजवळ एका भरधाव कंटेनरने जबर धडक दिल्याने धनराज सोनवणे, त्यांची मुलगी नाव माहीत नाही, गायत्री योगेश साळुंखे (वय ३०), प्रशांत योगेश साळुंखे (वय ७), भाग्यलक्ष्मी साळुंखे यांचा जागीच मृत्यू झाल्याची प्राथमिक माहिती असून धनराज सोनवणे यांच्या पत्नी गंभीर जखमी आहेत. या अपघाताची माहिती अमळनेर शहरात मिळताच मंत्री अनिल पाटील यांनी लागलीच मदतीसाठी हालचाली सुरु केल्या होत्या.