जळगाव मिरर । ४ जून २०२३
पाणीपुरवठा व स्वच्छता मंत्री तथा पालकमंत्री गुलाबराव पाटील यांचा वाढदिवस ५ जून रोजी असून पालकमंत्री पाटील यांचा वाढदिवस हा आरोग्यस्नेही उपक्रमातून साजरा करण्याचा निर्णय हा वंदनीय बाळासाहेब ठाकरे शिवसेना वैद्यकीय मदत कक्ष व डॉ. श्रीकांत शिंदे फाउंडेशनने घेतला आहे या निमित्ताने जळगाव ग्रामिण मतदारसंघात आरोग्यसप्ताहाचे आयोजन करण्याचे नियोजन शिवसेना वैद्यकीय मदत कक्ष व डॉ. श्रीकांत शिंदे फाउंडेशनच्या माध्यमातून करण्यात आले आहे.
आरोग्यसप्ताहाची सुरूवात ही पाळधी येथून होणार असून यामध्ये भव्य आरोग्य शिबीर, रक्तदान शिबीर व मोफत आयुष्यमान भारत (हेल्तकार्ड ) नोंदणी शिबीर, तालूक्यातील शासकीय आरोग्य केंद्रात अन्नदान व फळे वाटप, जळगाव ग्रामीण मध्ये आठवडाभर विविध गावांत मोफत आरोग्य तपासणी शिबीरे राबविण्यात येणार आहे. शिबिरांमध्ये मोफत २ डिईको, ई.सी.जी, कार्डीओग्राफ, मधुमेह, रक्तदाब तसेच, कर्करोग विभाग, बालरोग शस्रक्रीया विभाग, कान-नाक-घसा विभाग, मेंदु संबंधीत आजार, मनका फँक्चर, नेत्रालय, त्वचारोग विभाग, ह्रदयरोग विभाग, जनरल मेडीसीन, स्त्रीरोग, अस्थिरोग, मानसोपचार विभाग असे विविध विभाग शिबीरात कार्यरत असणार आहे. तरी जास्तीत जास्त नागरिकांनी आरोग्य शिबीराचा लाभ घेण्याचे आवाहन शिवसेना वैद्यकीय मदत कक्ष जळगाव जिल्हा टिमने केले आहे. आरोग्यसप्ताहाचे उद्घाटन हे पाळधी येथे ५ जून रोजी सकाळी ९ वाजता वाढदिवसाच्या दिवशी पालकमंत्री गुलाबराव पाटील यांच्या हस्ते भव्य आरोग्य शिबीराने होणार आहे.
शिबीर यशस्वीतेसाठी यांनी घेतला पुढाकार !
वैद्यकीय मदत कक्ष व डॉ. श्रीकांत शिंदे फाउंडेशन जळगाव जिल्हा संपर्कप्रमुख जितेंद्र गवळी, जिल्हाप्रमुख डॉ. मोईज देशपांडे, उपजिल्हा प्रमुख राजेंद्र सपकाळे, शहर प्रमुख विशाल परदेशी, जिल्हा प्रसिद्धी प्रमुख भावेश ढाके, तालुका प्रमुख सागर सोनवणे, सागर पाटील, विशाल निकम, रोशन ठाकरे, दिपक पाटील, अनिल पवार, भुषण पाटील, भावेश ढाके, गणेश गुरव, राहुल गवळी, सतिष सोनवणे यांच्यासह शिवसेना वैद्यकीय मदत कक्ष जळगाव जिल्हा टिमने सुनियोजन केले आहे.
