जळगाव मिरर | १७ डिसेंबर २०२४
जळगाव शहरातील कला भवन जवळ परिसरात घराच्या कम्पाऊंडच्या आवारातून ६ हजार रूपये किंमतीची पाण्याची मोटार चोरून नेणाऱ्याल नागरिकांनी रंगेहाथ पकडले. याप्रकरणी शोएब शेख नासीर शेख (रा. बिलाल चौक) याच्याविरुद्ध जिल्हापेठ पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, शहरातील लेक अपार्टमेंटमध्ये ओमप्रकाश रामपाल मणियार (वय ५१) हे आपल्या परिवारासह वास्तव्याला आहे. त्यांचे भावाचे कला भवन जवळ घर आहे. रविवार दि. १५ डिसेंबर रोजी दुपारी दीड वाजेच्या सुमारास त्यांच्या भावाच्या घराच्या कंम्पाऊंड मधून ६ हजार रूपये किंमतीची पाण्याची मोटार चोरून नेत असतांना संशयित शोएब शेख नासीर शेख रा. बिलाल चौक, जळगाव हा आढळून आला. यावेळी चोरट्याला ओमप्रकाश मणियार यांनी रंगेहात पकडले. त्याला जिल्हापेठ पोलीसांच्या ताब्यात देण्यात आले. ही घटना उघडकीला आल्यानंतर ओमप्रकाश मणियार यांनी दिलेल्या फिर्यादीवरून संशयित आरोपी शोएब शेख नासीर शेख रा. बिलाल चौक, जळगाव याच्या विरोधात गुन्हा दाखल करण्यात आला. तपास महिला पोकों भारती देशमुख हे करीत आहे
