जळगाव मिरर | २३ मे २०२५
बकरी ईदचे प्रत्येकी चाळीस हजार रुपये मिळवून देतो, असे म्हणत दाम्पत्याजवळ असलेले ४५ हजार रुपये घेवून संशयित रफूचक्कर झाला. ही घटना दि. १९ रोजी अमळनेर शहरात घडली. याप्रकरणी पोलिसात फसवणुकीचा गुन्हा दाखल करण्यात आला आहे.
मिळालेल्या माहितीनुसार, सुरत येथील अशरफबी फकीर मोहम्मद शेख या पतीसह अमळनेर येथे पतीसोबत लग्ग्राला आल्या होत्या. दि. १९ रोजी ती स्टेट बँकेतून लाडकी बहीण योजनेचा पैसे काढण्यासाठी अर्बन बँकेसमोर उभ्या होत्या. यावेळी त्यांच्याजवळ एक जण आला त्याने तुम्हाला बकरी ईदचे प्रत्येकी ४० हजार रुपये काढून देतो, असे म्हणत त्यांना स्टेट बँकेच्या गेटपर्यंत घेवून गेला. त्यानंतर कोणाशी तरी फोनवर बोलण्याचे नाट करीत तो दाम्पत्याला रिक्षामध्ये बसवून तहसील कार्यालयाकडे घेऊन गेला. तहसील कार्यालयात झाडाच्या आडोशाला नेवून दाम्पत्याला त्यांनी परिधान केलेले सोने चांदीचे दागिने काढून ते एका पिशवीत ठेवले. त्यानंतर फकीरा शेख यांना कार्यालयात घेवून गेला. तेथून परतल्यानंतर त्याने काकांचे काम झाले असून आता तुम्ही माझ्यासोबत चला असे म्हणत ती पिशी फकीरा यांच्याजवळ दिली.
महिलेला घेवून गेल्यानंतर त्याने आधारकाडची झेरॉक्स काढून आणण्यास सांगितले. तो पर्यंत तो इसम फकीरा शेख यांच्याकडे आला आणि त्याने तुमच्या पत्नीने पिशवी मागितली असे म्हणत तो पिशवी घेवून गेला. काही वेळानंतर अशरफबी या पती उभे असलेल्या ठिकाणी आल्या असता, त्यांना फसवणुक झाल्याचे समजले. त्यांनी लागलीच पोलिसात धाव घेत तक्रार दिली. त्यानुसार गुन्हा दाखल करण्यात आला असून तपास पोलीस उपनिरीक्षक राजू जाधव करीत आहेत. घटनेचे गांभीर्य लक्षात घेता पोलीस निरीक्षक दत्तात्रय निकम यांनी गुन्हे शोध पथकाला घटनास्थळा पासून ते फसवणूक झाली तिथपर्यंतचे सीसीटीव्ही फुटेजची तपासणी करण्याच्या सूचना दिल्या. त्यानुसार पथकाकडून फुटेजची तपासणी करुन संशयिताचा शोध घेतला जात आहे.
