जळगाव मिरर | २५ जून २०२४
कपडे बदलवितांनाचा व्हिडीओ काढून तो व्हायरल करण्याची धमकी देत, विवाहितेवर तिच्या चुलत भावासह त्याच्या दोघ मित्रांनी वेळोवेळी अनैसर्गिक रित्या अत्याचार केला. ही धक्कादायक घटना दि. २३ जून रोजी उघडकीस आली. याप्रकरणी विवाहितेच्या फिर्यादीवरुन् विवाहितेचा चुलत भाऊ व त्याचे दोन मित्र यांच्याविरुद्ध एमआयडीसी पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील एका परिसरात राहणारी विवाहिता दोन वर्षांपुर्वी तिच्या काकाच्या मुलीच्या लग्नासाठी दोंडाईचा येथे गेली होती. त्याठिकाणी कपडे बदलवित असतांना विवाहितेच्या चुलत भावाने लपून तिचा कपडे बदलवितांनाचा व्हिडीओ आणि फोटो काढले होते. काही दिवसानंतर विवाहितेला तिच्या भावाने काढलेले व्हिडीओ फोटो दाखवून विवाहिता घरी आल्यानंतर तिच्यावर अत्याचार केला. त्यानंतर दि. ८ मार्च रोजी एका हॉस्पिटलच्या बांधकाम सुरु असलेल्या ठिकाणी विवाहितेला बोलावले. परंतु विवाहितेने त्याला भेटण्यास नकार दिला असता, त्याने व्हिडीओ व्हायरल करण्याची धमकी देत नराधम भावाने विवाहितेवर याठिकाणी देखील अत्याचार केला.
दि. ११ मार्च २०२३ रोजी विवाहितेला तिच्या चुलत भावाने कारमध्ये बसविले. यावेळी त्याच्यासोबत त्याचा देखील होता. त्या दोघांनी पाळधी येथील जंगलात घेवून जात त्याठिकाणी विवाहितेवर दोघांनी अनैसर्गिकरित्या अत्यधार केला. तसेच विवाहितेचा चुलत भाऊ हा फोटो व्हायरल करण्याची धमकी देवून विवाहितेला ब्लॅकमेल करीत देत होता.
चुलत भावाकडून व्हिडीओ व्हायरल करुन अत्याचार करीत असल्याच्या त्रासाला कंटाळून विवाहितेने अखेर आपल्या कुटुंबियांना याविषयी माहिती दिली. त्यानंतर त्यांनी एमआयडीसी पोलीस ठाण्यात धाव घेत तक्रार दिली. त्यानुसार विवाहितेच्या चुलत भावासह त्याच्या दोघ मित्र यांच्याविरुद्ध अत्याचाराचा गुन्हा दाखल करण्यात आला आहे.
