जळगाव मिरर / २३ ऑक्टोबर २०२२
५ वर्षांपासून फरार झालेला चोरटा स्थानिक गुन्हे शाखेच्या पथकाने त्याला नाशिक येथून अटक करण्यात आली आहे. याप्रकरणी संशयित चोरट्याला शहर पोलीस स्थानकाच्या ताब्यात देण्यात आले आहे.
जिल्हा पोलीस अधिक्षक एम. राजकुमार, अपर पोलीस अधिक्षक, चंद्रकांत गवळी यांनी जळगांव जिल्ह्यातील फरार असलेला आरोपी यांना मोहीम राबवून अटक करण्याची स्थानिक गुन्हे शाखेचे पोलीस निरीक्षक यांना सुचना दिल्या होत्या. त्या अनुषंगाने पोलीस निरीक्षक किसन नजनपाटील यांनी स्थानिक गुन्हे शाखेचे स. फौ. अनिल जाधव, पो.कॉ. कमलाकर बागुल, अनिल देशमुख, पो.ना. नंदलाल पाटील, पो.ना. भगवान पाटील व पो.कॉ उमेश गोसावी यांचे पथक रवाना करण्यात आले.
पोलीस निरीक्षक किसन नजनपाटील यांना गोपनिय माहीती मिळाली की, जळगांव शहर पोलीस स्थानक कलम ३९२ या गुन्ह्यातील संशयित चोरटा मच्छिंद्र उर्फ मच्छ समाधान पवार (वय २५) रा खेडले – झुंगे ता. निफाड जि. नाशिक हा गुन्हा दाखल झाल्यापासून ५ वर्षांपासून फरार झालेला होता. त्याच्या घरी खेडले झुंगे ता. निफाड जि. नाशिक येथून तो मिळून आल्याने त्याला ताब्यात घेवुन त्याची वैद्यकीय तपासणी करुन पुढील तपासकामी आरोपीस जळगांव शहर पोलीस स्थानकाच्या ताब्यात पुढील कारवाईसाठी देण्यात आले.
