जळगाव मिरर | २७ सप्टेंबर २०२४
जिल्ह्यातील चोपडा तालुक्यातील अडावद येथे आपल्या प्रेयसीचे दुसऱ्यासोबत अनैतिक संबंध असल्याच्या संशयावरुन प्रियकराने बापशीबाई मोहन पावरा (वय ४५, रा. गोरगावले खुर्द, ता. चोपडा) यांचा गळा आवळून खून केला. ही घटना मंगळवारी रात्रीच्या सुमारास घडली. याप्रकरणी संशयीत अनिल विरची पावरा याच्या पोलिसांनी मुसक्या आवल्या असून त्याच्याविरुद्ध गुन्हा दाखल करण्यात आला आहे. न्यायालयाने त्याला दोन दिवसांची पोलीस कोठडी सुनावली.
मिळालेल्या माहितीनुसार, गोरगावले खुर्द येथील बापशीबाई मोहन पावरा या आपल्या मुलांसोबत वास्तव्यास होत्या. शेतात मजूरी काम करुन त्या आपल्या कुटुंबाचा उदनिर्वाह करीत होत्या. त्या महिलेचे गावातीलच अनिल विरची पावरा याच्यासोबत प्रेमसंबंध होते. दि. २४ रोजी रात्रीच्या सुमारास अनिल पावरा हा बापशीबाई हीच्या घरी आला असता, त्याच्या घरातून अन्य एक पुरुष बाहेर जाताना दिसला. त्याला संशय आल्याने बापशीबाईस हीला अनिल पावरा याने जाब विचारला. तुझे अजून माझ्या व्यतिरिक्त अन्य कोणासोबत संबंध आहेत का अशी विचारणा केल्याने दोघांमध्ये कडाक्याचे भांडण झाले. त्यांच्यातील वाद विकोपाला गेल्याने अनिल पावरा याने बापशीबाई यांच्या गळ्यातील दोऱ्याने तीचा गळा आवळून खून केला. खून केल्यानंतर अनिल पावरा हा तेथून पसार झाला. याप्रकरणी गणेश मोहन पावरा याच्या फिर्यादीवरून अडावद पोलिसात खूनाचा गुन्हा दाखल करण्यात आला आहे.
खून केल्यानंतर पसार झालेला अनिल पावरा हा धुळे जिल्ह्यातील अंबाखंबाळे येथील जंगलात नातेवाईकांकडे गेल्याची माहिती पोलिसांना मिळाली. पोलिसांनी मुसळधार पावसात घनदाट जंगालून सुमारे चार ते पाच किलोमीटर पर्यंत पायी वाट काढीत नातेवाईकांकडे लपून बसलेल्या संशयित अनिल पावरा याच्या मुसक्या आवळल्या. संशयित अनिल पावरा याला अटक केल्यानंतर त्याला चोपडा न्यायालयात हजर करण्यात आले. न्यायालयाने संशयित अनिल पावरा याला दोन दिवसांची पोलीस कोठडी सुनावली. पुढील तपास सहाय्यक पोलीस निरीक्षक प्रमोद वाघ करीत आहे.
यांनी केली कारवाई
हि कारवाई उपविभागीय पोलीस अधिकारी अण्णासाहेब घोलप यांच्या मार्गदर्शनाखाली सपोनि प्रमोद वाघ, पोउनि राजू थोरात, पोहेकॉ शेषराव तोरे, पोहेकॉ संजय बनगर, किरण शिरसाठ, पो.ना. विनोद धनगर, सतिष भोई यांच्या पथकाने यांच्या पथकाने केली.
