जळगाव मिरर | २५ सप्टेंबर २०२४
अमळनेर शहरात लहान बहिणीला शाळेत सोडून घरी पतरणाऱ्या अल्वयीन मुलीला रस्त्यात अडविले. तीचे तोंड दाबून तीला रिक्षात जबरदस्तीने बसवून एका बंद पडलेल्या शाळेच्या गच्चीवर नेले. त्याठिकाणी त्या मुलीवर अत्याचार केल्याची घटना मंगळवारी उघडकीस आली. या घटनेमुळे शहरात एकच खळबळ माजली असून याप्रकरणी संशयिताविरुद्ध पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील एका शाळेत इयत्ता बारावीचे शिक्षण घेणारी अल्पवयीन मुलगी तिच्या लहान बहिणीला शाळेत सोडण्यासाठी सकाळी ११ वाजता गेली होती. बहिणीला शाळेत सोडल्यानंतर ती मुलगी घरी परतत असतासंना तिच्या मागून असलेल्या दिनेश शांताराम भिल (रा. शांताबाई नगर) याने मुलीचे तोंड दाबले. त्यानंतर समोरुन येणाऱ्या रिक्षाला थांबवून त्याने आम्हाला पिंपळे रोडवरील आयटीआयला सोड असे सांगितले. त्यानुसार रिक्षावाल्याने तेथे सोडल्यावर संशयित दिनेशने त्या मुलीला बळजबरीने त्याठिकाणावरील बंद शाळेच्या जिन्यावरून गच्चीवर नेत त्याठिकाणी त्या मुलीवर अत्याचार केला.
दिनेश भिलकडून जबरदस्ती होत असल्याने त्या मुलीने आरडाओरड केला. मात्र त्या परिसरात कोणीच नसल्याने तीला मदत मिळू शकली नाही. तसेच दिनेशने त्या मुलीला तू माझ्याशी लग्न कर नाहीतर तुला आणि तुझ्या घरच्यांना मारून टाकेल अशी धमकी देखील दिली. संशयीतासोबत मुलीने केलेल्या झटापटीत तीचे कपडे देखील फाटले. दरम्यान, तेथून मुलगी घराच्या दिशेने जात असतांना तीला रस्त्यात तीचे आई वडील भेटले. त्यांना घडलेली हकीकत सांगितल्यानंतर त्यांनी मुलीला सोबत घेवून पोलीस ठाणे गाठले. गुन्हा दाखल झाल्यानंतर पीडीत मुलीची वैद्यकीय तपासणी करण्यात आली. त्यानंतर न्यायवैद्यक प्रयोगशाळेचे पथकाने घटनास्थळी जाऊन तपासणी करीत तेथून पुरावे गोळा केले. पीडीत मुलीने आईसोबत अमळनेर पोलिसात धाव घेतली. पोलिसांना घडलेली घटना सांगितल्यानंतर संशयीत दिनेश भील याच्याविरुद्ध पोक्सोतंर्गत गुन्हा दाखल करण्यात आला आहे. पुढील तपास पोलीस उपनिरीक्षक युवराज बागुल करीत आहेत.
