मेष : आज तुम्ही ध्‍येयपूर्तीसाठी कठोर परिश्रम कराल. ऑनलाईन खरेदीचाही विचार कराल. एखाद्या प्रिय व्यक्तीला अडचणीत मदत केल्याने तुम्हाला आनंद मिळेल. बेकायदेशीर कृत्‍यात सहभागी असणार्‍यांपासून दूर रहा; अन्यथा, तुमची बदनामी होईल. अचानक काही खर्च होऊ शकतो. निर्णय घेण्यात अडचण येत असेल तर घरातील ज्‍येष्‍ठांचा सल्ला घ्या. आर्थिक स्थिती चांगली राहील. कुटुंबातील वातावरण आनंदी राहील.
वृषभ : आज महत्त्‍वाचा निर्णय घ्‍याल. कुटुंबातील सदस्यांचे सहकार्यही तुमच्यासाठी लाभदायक ठरेल. अतिआत्मविश्वास तुम्हाला अडचणीत आणू शकतो, याची जाणीव ठेवा, असे श्रीगणेश सांगतात. परिस्थिती शांतपणे हाताळा. संवाद साधताना नकारात्मक शब्द वापरू नका. गुंतवणुकीसाठी वेळ अनुकूल नाही. व्यावसायिक कामे सामान्य राहतील. कुटुंबासाठी वेळ काढणे महत्त्वाचे आहे.
मिथुन : आज कोणतेही काम शांतपणे पूर्ण करण्याचा प्रयत्न करा. तुमची सर्व कामे योग्य प्रकारे पूर्ण होतील. चांगली वृत्ती आणि संतुलित विचार तुम्हाला समस्या सोडवण्यास मदत करेल, असे संकेत श्रीगणेश देतात. कोणत्याही कामात नियोजन महत्त्‍वपूर्ण राहील. अहंकार टाळा. कौटुंबीक वातावरण आनंददायी राहील.
कर्क : आज तुम्हाला मनाप्रमाणे काम करता आल्‍याने मनःशांती लाभेल. काही नवीन माहितीही मिळेल. तरुण करिअरकडे पूर्ण लक्ष देतील. इतरांच्या बोलण्‍याकडे लक्ष दिल्‍याने मनात नकारात्मक विचार येतील. संयम आणि चिकाटीने परिस्थिती हाताळा. स्वतःवर विश्वास ठेवा. कर्मचाऱ्यांचे पूर्ण सहकार्य राहील. कामात प्रगती होईल, असे श्रीगणेश सांगतात.
सिंह : महिलांसाठी आजचा दिवस विशेषतः आरामदायी असेल. नवीन योजना फायदेशीर सिद्ध होतील. तुमच्या व्‍यतिमत्त्‍वाची छाप पडेल. अति श्रमाचा परिणाम तुमच्या आरोग्यावर होऊ शकतो. जुन्या नकारात्मक गोष्‍टी उगाळत बसू नका. वर्तमानात जगायला शिका. कोणतेही काम घाई न करता सहजतेने पूर्ण करण्याचा प्रयत्न करा, असा सल्ला श्रीगणेश देतात. कामाच्या ठिकाणी तुमचा प्रभाव कायम राहील. कामाचा ताण जास्त असल्याने कुटुंबासोबत वेळ घालवल्याने वातावरण प्रसन्न राहील. आरोग्य चांगले राहिल.
कन्या : ग्रहास्थिती अनुकूल आहे. तुमची कामगिरी अपेक्षेपेक्षा चांगली होईल. गेल्या काही दिवसांपासून सुरू असलेल्या दिनचर्येत सकारात्मक बदल होईल. सामाजिक कार्यातही सहभागी व्हाल. मुलांच्या प्रवेशाबाबत संभ्रम निर्माण होईल. आज कोणत्याही प्रकारचा प्रवास टाळा. आळस टाळा. खर्चावर नियंत्रण ठेवा. वैवाहिक जीवनात नाते मधुर होऊ शकते.
तूळ : तुमच्या भविष्यातील ध्येयांसाठी कठोर परिश्रम केल्याने तुम्हाला यश मिळेल. कौटुंबिक बाबींमध्ये तुमचा निर्णय सर्वोपरि असेल. भावांसोबतचे वाद टाळा. अतिश्रम टाळा. बाहेरील लोकांशी व्यवहार करताना काळजी घ्या. काही लोक तुमचा स्वार्थासाठी वापर करू शकतात. तुमच्या कामाच्या शैलीत काही बदल करावे लागतील. जोडीदार आणि कुटुंबासोबत आनंदात वेळ जाईल.
वृश्चिक : आज मागील काही दिवसांपासून सुरु असणारे जुने मतभेद दूर होतील, असे श्रीगणेश सांगतात. समर्पित वृत्तीने आपलं काम पूर्ण कराल. मुलांशी संबंधित कोणत्याही समस्येवर उपाय शोधल्यास आराम मिळेल. स्वप्नांच्या जगातून बाहेर पडून वास्‍तववादी विचार करा. दुसऱ्यावर विश्वास ठेवल्याने त्रास होऊ शकतो. व्यवसायात परिश्रम जास्त आणि नफा कमी अशी परिस्थिती उद्भवू शकते.
धनु : आज आत्मपरीक्षणासाठी थोडा वेळ द्‍या. प्रिय मित्रासोबत सहलीचे नियोजन असेल. जुन्या आठवणींना उजाळा मिळेल. इतरांच्या कामात ढवळाढवळ करु नका. अन्यथा नुकसानीला सामोरे जावे लागेल. व्यवसायात आज काही अडथळे येऊ शकतात.
मकर : आज ग्रहमान अनुकूल आहे. मुलांवर जास्त बंधने घालू नका, त्यामुळे त्यांचे मनोबल कमी होऊ शकते. तुमच्यावर नकारात्मक गोष्टींचा प्रभाव पडू देऊ नका. कार्यक्षेत्रात सर्व कामे स्वतः व्यवस्थित करण्याचा प्रयत्न करा. आनंददायी कौटुंबिक वातावरण राखण्यासाठी कुटुंबातील सदस्यांसोबत थोडा वेळ व्‍यतित करा.
कुंभ : तुम्ही केलेल्या कोणत्याही चांगल्या कामामुळे तुम्हाला समाजात सन्मान मिळेल. एखाद्या महत्त्वाच्या कामात पैसे गुंतवण्याचा विचार करत असाल तर त्याचा गांभीर्याने विचार करा. सर्वांना संतुष्ट करण्याचा प्रयत्न करून तुम्ही स्वतःला दुखवू शकता. सध्याच्या व्यवसायासोबतच काही नवीन कामातही तुमची रुची वाढेल.
मीन : तुम्ही तुमच्या आत्मविश्वासाने आणि समजुतीने कोणत्याही संकटाचा सामना करू शकता. भविष्यातील योजना प्रभावी ठरतील. कोणत्याही प्रकल्पात यश न मिळाल्यास विद्यार्थी निराश होतील; पण हार मानू नका आणि पुन्हा प्रयत्न करा. कामाचा ताण जास्त असल्याने घर आणि कुटुंबासाठी थोडा वेळ काढणे गरजेचे आहे.
