जळगाव मिरर | २८ नोव्हेंबर २०२३
राज्यातील अनेक विवाहितेचा सासरच्या मंडळींकडून नेहमीच छळ होत असतो पण काही विवाहित यातून मार्ग काढीत असतात पण काही दुर्देवाने टोकाचा निर्णय घेऊन आपली जीवनयात्रा संपवीत असतात, अशीच एक धक्कादायक घटना पुण्यातील घडली आहे. बुलढाणा जिल्ह्यातील चांदुरबिस्वा सासर असलेल्या विवाहितेने पुणे येथे सासरच्या जाचाला कंटाळून आत्महत्या केल्याची घटना २५ नोव्हेंबर रोजी पुणे येथे घडली. याविरूध्द विवाहितेच्या वडिलांनी दिलेल्या तक्रारीवरून सासु, सासरे व पती विरूध्द विविध कलमान्वये गुन्हे दाखल करण्यात आले असून त्यांना पुणे येथे अटक करण्यात आली आहे.
याबाबतची मयत विवाहितेच्या वडील रमेश रामभाऊ चोपडे (वय ५३) रा.मातामहाकाली नगर मलकापुर जि.बुलढाणा यांनी पिंपरी चिंचवड पोलिस स्टेशन ला दिलेल्या तक्रारीत म्हटले आहे की, माझी मुलगी दिक्षा हिचा विवाह ८ मे २०२१ रोजी पवन प्रल्हाद तायडे रा.हनुमान नगर, चांदुरबिस्वा ता.नांदुरा, ह.मु.म्हसोब मंदिर जवळ, गवळीनगर भोसरी पुणे याचेशी झाला होता. लग्नानंतर मुलगी दिक्षा रक्षाबंधनाला माहेरी आली असता तिने पती व सासू-सासरे यांनी काही दिवस चांगली वागणूक दिली मात्र आता ते काहीना काही कारणावरून बोलतात व पती मारहाण करून त्रास देतो असे सांगितले होते. त्यानंतर मुलीला मे २०२२ मध्ये मुलगा झाल्याने तिला सासरकडून होणारा त्रास कमी होईल असे आम्हाला वाटले. मात्र मुलाच्या खर्चासाठी माहेरून पैसे आण असे म्हणून मुलीला त्रास देणे त्यांनी सुरूच ठेवले.
त्यानंतर मार्च-एप्रिल २०२३ मध्ये मुलीने फोन करून सांगितले होते की पती पवन तायडे हा नवीन फ्लॅट घेण्याकरीता माहेरून १० लाख रू. आण असा सारखा तगादा लावत असून त्या कारणावरून त्रास देत आहे. तर पैसे न आणल्यास घरातून हाकलून देवू, घटस्फोट देवू अशा धमक्या देत असल्याचे सांगितले होते.
फ्लॅट घेण्यासाठी माहेरवरून १० लाख रूपये आणण्याचा लावण्यात आलेला तगादा, सासरकडील मंडळीच्या इच्छे विरूध्द मुलास जन्म दिला म्हणून नेहमी सासरकडील मंडळीकडून होणारा त्रास व मारहाणीला वंâटाळून अखेर दिक्षा हिने २५ नोव्हेंबर रोजी घरात गळफास घेऊन आत्महत्या केली.
तत्पुर्वी तिने ३ पानाची सुसाईड नोट लिहून त्यामध्ये सासरकडील मंडळीकडून होणाया त्रासाबाबत लिहिले असून ती काही नातेवाईकांना सुध्दा पाठविली आहे.
या तक्रारीवरून पोलीस स्टेशन पिंपरी चिंचवड येथे पती पवन प्रल्हाद तायडे, सासू प्रमिला तायडे, सासरा प्रल्हाद लक्ष्मण तायडे यांचेविरूध्द अप.नं.९१२/२३, कलम ३०४ (ब), ३०६, ४९८ (अ), ३२३, ५०५, ३४ अन्वये गुन्हा दाखल केला असून पोलिसांनी तिघांनाही अटक केली आहे.
