वरणगाव : प्रतिनिधी
शहराच्या बाहेरुन जाणाऱ्या नवीन राष्ट्रीय महामार्गवर दुचाकी व चारचाकीमध्ये झालेल्या अपघातात दोघे गंभीर जखमी झाल्याची घटना दि १८ गुरुवार रोजी दुपारच्या वेळी घडली.
मिळालेल्या माहितीनुसार शहराच्या बाहेरूण जाणाऱ्या राष्ट्रीय महागावरील हॉटेल महारुद्राच्या समोर दुचाकी क्र एम.एच १९ डी यु ९७५० वरील चालक चंदन भिमराव अढागे रा.कोळवत ता.यावल व सोबत सोनाली प्रंशात रणधीर रा दिपनगर हे दोघे वरणगावकडून भुसावळ कडे जात असताना मागुन येणारी बलेनो क्र एम एच १९ डी व्ही ४०७८ या कारने दुचाकीस जोरदार धडक दिल्याने दुचाकी वरील दोघे गंभीर जखमी झाल्याने त्यांना तत्काळ वरणगाव ग्रामीण रुग्णालयात प्राथमिक उपचार करूण पुढील उपचारा साठी जळगाव येथील सामान्य रुग्णालयात दाखल करण्यात आले आहे.
या बाबत वरणगाव पोलीस स्टेशनला तैशिबखान अयुबखान याच्या खबरी वरूण अपघाताचा गुन्हा दाखल करण्यात आला असून पुढील तपास पो हे कॉ मुकेश जाधव हे करीत आहेत.
