जळगाव मिरर / १८ मार्च २०२३ ।
जळगाव शहरातील सैन्य दलात नोकरीवर असलेल्या जवान सुट्टीवर घरी आलेला असतांना घरातील जीना उतरतांना अचानक चक्कर येऊन पडल्याने या जवानाचा दुर्दैवी मृत्यू झाल्याची घटना कांचन नगरात घडली आहे. याबाबत शनिपेठ पोलीस ठाण्यात अकस्मात मृत्यूची नोंद करण्यात आली आहे.
मिळालेली माहिती अशी कि, शहरातील शनिपेठ परिसरात वास्तव्यास असलेले विशाल भरत सैंदाणे (वय-३५) हे भारतीय सैन्य दलात आपले कर्तव्यावर होता. कांचन नगर येथे काही दिवसांपूर्वीच ते सुट्टीवर घरी आलेला होते. १५ मार्च रोजी बुधवारी रात्री ९ वाजेच्या सुमारास घराच्या पहिला मजल्याच्या जिन्यावरून खाली उतरत असताना विशालला अचानक चक्कर आले. त्यामुळे तो जिन्यावरून खाली कोसळले. यात ते गंभीर जखमी झाल्याने त्याला तत्काळ शेजारी राहणार्या तरूणांच्या मदतीने जिल्हा शासकीय वैद्यकीय महाविद्यालयात उपचारासाठी दाखल केले असता वैद्यकीय अधिकारी यांनी मयत घोषित केले.
एकुलता एक मुलाचे अचानक अपघाती निधन झाल्याने आई-वडिलांवर व पत्नीवर दुःखाचा डोंगर कोसळला आहे. याबाबत शनिपेठ पोलीस ठाण्यात अकस्मात मृत्यूची नोंद करण्यात आली आहे. पुढील तपास सहायक फौजदार संजय शेलार करीत आहे. मयता जवानाच्या पश्चात आई, वडील, पत्नी आणि लहान मुलगा आणि मुलगी, बहिण असा परिवार आहे. मयत विशाल सैंदाणे यांच्यावर गुरूवार १६ मार्च रोजी दुपारी शासकीय इतमामात त्यांच्यावर अंत्यसंस्कार करण्यात आले. यावेळी नातेवाईकांसह परिसरातील नागरिक मोठ्या संख्येने उपस्थित होते.
