जळगाव मिरर | ५ मे २०२४
राज्यात लोकसभा निवडणुकीची रणधुमाळी सुरु असून सत्ताधारी व विरोधकामध्ये आरोप प्रत्यारोप सुरु असतांना नुकतेच शिंदेंच्या शिवसेनेचे नेते गुलाबराव पाटील यांनी मोठे विधान केले आहे.
पालकमंत्री गुलाबराव पाटील म्हणाले कि, लोकसभेत भाजपचे काम केले तरी ते विधानसभेत मदत करतील का? मात्र आम्ही एका बापाची औलाद आहोत. हे भाजपा काम करो अथवा ना करो, आम्ही इमानदारीने लोकसभेचे काम करणार आहोत, असे विधान त्यांनी केले आहे. आगे जो होगा वो हमारा नसीब, आमचे काम हे आग विझविणाऱ्या चिमणीसारखे आहे. देशात आम्हाला पुन्हा एकदा भगवा लहरायचा आहे. आम्ही गद्दारी हा विषय आयुष्यात करू शकत नाही. जे करायचे होते ते शिंदे साहेबांच्या सोबत जाऊन आम्ही उद्धव साहेबांना करून दाखवले आहे.
गुलाबराव पाटील म्हणाले की, केंद्र सरकार असो की राज्य सरकार असो. मोदीजींनी काही कारवाया केल्या तर विरोधक सांगतात की हे ईडीचे सरकार आहे. इमानदारो के लिये लहर है मोदी, बेईमानो के लिये जहर है मोदी, देश के गद्दारो के लिये जहर है मोदी, अशी शेरो शायरी करत गुलाबराव पाटलांनी विरोधकांना डिवचले आहे.
गुलाबराव पाटील म्हणाले की, आपल्या देशाच्या इतिहासात पहिल्यांदा अशी वेळ आली आहे की, पाकिस्तानला सुद्धा साधा फटका फुटला की सांगावे लागते की यात आमचा हात नाहीये. मोदीजी एकमेव नेते आहेत की ज्यांना पाकिस्तान घाबरला आहे. भाजपला शिवसेना शिंदे गट लोकसभेसाठी मदत करेल. मात्र विधानसभेत भाजप शिवसेना शिंदे गटाला मदत करेल का? अशी शंका काही कार्यकर्त्यांच्या मनात असल्याची चर्चा जळगावात रंगली होती. या पार्श्वभूमीवर गुलाबराव पाटील यांनी भाजपबाबत कार्यकर्त्यांच्या मनात असलेला संभ्रम दूर करण्याचा प्रयत्न केला आहे.
