जळगाव मिरर / १४ एप्रिल २०२३ ।
जगभरात अनेक महिलांना झाडासोबत फोटो काढण्याचा मोह आवरला जात नाही पण एका महिलेने ७०० वर्ष जुन्या झाडासोबत न्यूड फोटो काढल्याने ती महिला चर्चेत आली होती. या फोटोंमुळे देशात खळबळ माजली. इतकेच नाही, तर तिचे सोशल मिडिया अकाउंटही डिलिट करण्यात आले. एका कार्यकर्त्याने तिचे फोटो शेअर केले आहेत.
या महिलेचे नाव लुइजा कोसिख असे असून, ही घटना इंडोनेशिया येथील बाली येथे घडली आहे. लुइजा कोसिख हिने तिची नग्न छायाचित्रे एका प्राचीन झाडासोबत काढली. हे झाड 700 वर्ष जुने आहे तसेच ते तबानान रिजन्सीच्या बायन गावात एका मंदिराच्या परिसरात आहे. ही छायाचित्रे काढल्यानंतर तिला अटक करण्यात आली. येथील स्थानिक नागरिक मंदिर आणि परिसरातील वृक्षाला पवित्र मानतात. त्यामुळे या घटनेनंतर स्थानिक नागरिकांतून या घटनेबाबत तीव्र संताप व्यक्त केला जात आहे.
डेली स्टारमध्ये प्रसिद्ध झालेल्या वृत्तानुसार, कार्यकर्ता नी लुड जेलेंटिक यांनी 11 एप्रिल रोजी इंस्टाग्रामवर सर्व परदेशी नागरिकांना सांगितले की, बाली हे आमचे घर आहे. तुमचे नाही आमच्या भूमीचा अनादर करू नका. येथील देनपसार आप्रवासन कार्यालयाचे प्रमुख टेडी रियांनी यांनीही या महिलेच्या अटकेला मान्यता दिली आहे. फोटोशूट करणाऱ्या महिलेचे फोटोही त्यांनी त्यांच्या इंस्टाग्राम पोस्टवर शेअर केले आहेत. 16 हजारांहून अधिक लोकांनी या पोस्टला लाईक केले आहे. यावर खूप लोकं प्रतिक्रिया व्यक्त करत आहेत. यामध्ये अनेकांनी या महिलेविरोधात संतप्त प्रतिक्रिया दिल्या आहेत, तर अनेकजण पर्यटनाला चालना देण्यासाठी, असे म्हणत टीका करत आहेत.
एका युजरने याबाबत सांगितले की, या घटनेची पुनरावृत्ती पुन्हा एकदा झाली आहे. तसेच त्याने विचारले की, येथील अधिकारी छायाचित्रे काढायला जाणाऱ्यांना वाट पाहायला लावतात. मग अशा ठिकाणी चोरून छायाचित्रे कशी काढली जाऊ शकतात. बालीसारख्या पवित्र ठिकाणांवरील सौंदर्यस्थळांचा उपयोग मनोरंजनाच्या कारणासाठी केला जातो, हे पाहून वाईट वाटते. या घटनेनंतर येथील स्थानिकांना पवित्र स्थळांचे संरक्षण करण्यास सांगण्यात आले. गेल्या 700 वर्षांपासून हे झाड पवित्र मानले जाते. या प्रकरणावरून वाद झाल्यानंतर फोटो काढणाऱ्या लुइजा कोसिखचे सोशल मीडिया अकाउंट डिलीट करण्यात आले, मात्र हे झाड पवित्र असल्याची माहिती त्यांना होती की नाही हे अद्याप स्पष्ट झालेले नाही.