जळगाव मिरर | २३ ऑगस्ट २०२३
गुगलच्या २० वर्षीय सॉफ्टवेअर अभियंत्याला दिवसातून फक्त एक तास काम करण्यासाठी वर्षाला तब्बल १५०,००० डॉलर (सुमारे १.२ कोटी रुपये) पगार मिळतो. डेव्हॉन या टोपणनावाने ओळखला जाणारा हा कर्मचारी गुगलच्या टूल्स प्रोडक्ट्ससाठी कोडिंगचे काम करतो. गुगलकडून मिळालेल्या ‘ऑफर लेटर वरून डेव्हॉनच्या वेतनाचा खुलासा ‘फॉर्म्युन’च्या रिपोर्टमध्ये झाला आहे.
तो त्याचे आठवडाभराचे काम १-२ तासातच संपवतो. गुगलमध्ये हजारो असे सॉफ्टवेअर अभियंते असल्याने खूप कमी काम वाट्याला येते. त्यामुळे एकप्रकारे काही काम न करताच पगार मिळतो, असे वाटते. बहुतेक लोक ‘वर्क लाइफ बॅलेन्स’ आणि फायद्यांमुळे गुगल निवडतात. तुम्ही अॅपलमध्येही काम करू शकता. पण, तिथे बरेच तास काम करावे लागते, असे तो म्हणतो.
डेव्हॉन गुगलमध्ये इंटर्नशिप करत होता. त्याचवेळी इथे नोकरी मिळाल्यावर फार कष्ट घ्यावे लागणार नाहीत हे माहीत होते. त्यामुळे झटपट काम करूनही तो ते काळजीपूर्वक आणि अजिबात कामचुकारपणा न करता करायचा. इंटर्नशिपदरम्यानही त्याने सर्व कोड लिहून लवकर पूर्ण केले. त्यामुळे हवाईला आठवडाभर फिरायला जाता आले. नंतर कोरोना महामारीच्या सुरुवातीला गुगल, मेटासारख्या मोठ्या कंपन्यांनी गरज नसताना जास्त कर्मचाऱ्यांची भरती केली होती. जेणेकरून गुगलला स्पर्धा देणाऱ्या दुसऱ्या कंपनीत ते जाऊ नयेत… याचाच फायदा झाला, असे तो म्हणतो.
