जळगाव मिरर | १४ मार्च २०२६
महाराष्ट्र नवनिर्माण सेनेचे अध्यक्ष माननीय राजसाहेब ठाकरे यांच्या आदेशानुसार, आज जळगाव शहरात मनसेच्या वतीने ‘सदस्य नोंदणी अभियाना’चा अत्यंत धुमधडाक्यात प्रारंभ करण्यात आला. पक्षाचे ज्येष्ठ नेते ॲड. जयप्रकाश बाविस्कर यांच्या प्रमुख उपस्थितीत हा सोहळा पार पडला.
शहरातील मानाच्या समजल्या जाणाऱ्या काव्य रत्नावली चौकात सायंकाळी ५ वाजता या अभियानाला सुरुवात झाली. यावेळी मनसेच्या कार्यकर्त्यांनी आणि पदाधिकाऱ्यांनी मोठी गर्दी केली होती. ‘जय महाराष्ट्र’च्या घोषणांनी परिसर दुमदुमून गेला होता. ॲड. बाविस्कर यांनी स्वतः उपस्थित राहून कार्यकर्त्यांना मार्गदर्शन केले आणि नोंदणी प्रक्रियेची पाहणी केली.
या नोंदणी मोहिमेत मनसेचे सर्व आजी-माजी पदाधिकारी, अंगीकृत संघटनांचे प्रतिनिधी, विद्यार्थी सेना, महिला सेना, तसेच विभाग आणि शाखा अध्यक्षांनी मोठ्या संख्येने हजेरी लावली. येणाऱ्या आगामी निवडणुकांच्या पार्श्वभूमीवर पक्षाचे संघटन अधिक मजबूत करण्यासाठी ही मोहीम अत्यंत महत्त्वाची मानली जात आहे.
नोंदणीसाठी येणाऱ्या प्रत्येकाने सोबत पासपोर्ट साईज फोटो आणण्याचे आवाहन करण्यात आले होते. त्यानुसार, अनेक नवीन युवकांनी आणि महिलांनी उत्साहाने मनसेचे सदस्यत्व स्वीकारले. ॲड. बाविस्कर यांनी यावेळी बोलताना सांगितले की, “राजसाहेबांचे विचार तळागाळातील लोकांपर्यंत पोहोचवण्यासाठी आणि जळगाव शहराच्या प्रश्नांवर सक्षमपणे लढण्यासाठी ही सदस्य नोंदणी मैलाचा दगड ठरेल.”
या कार्यक्रमाच्या यशस्वीतेसाठी महाराष्ट्र नवनिर्माण सेना, जळगाव शहर कार्यकारिणीच्या सर्व सदस्यांनी विशेष परिश्रम घेतले. या प्रसंगी जिल्हा अध्यक्ष अँड जमील देशपांडे, ग्रामीण जिल्हाध्यक्ष मुकुंदा रोटे, उपजिल्हाध्यक्ष विनोद पटक, जळगाव महानगराध्यक्ष विनोद शिंदे, किरण तळेले, उपमहानगराध्यक्ष श्रीकृष्ण मेंगडे, राजेंद्र निकम विभाग अध्यक्ष उमेश आठरे, विशाल जाधव,राहुल चव्हाण,दीपक राठोड. खुशाल ठाकूर. असुतोष जाधव, प्रदीप पाटील. विकास पाथरे, जितेंद्र पाटील. रज्जाक सय्यद, शाखाध्यक्ष युसूफ खाटीक, बादशाह शाह, पवन साफकळे. व सर्व महाराष्ट्र सैनिक उपस्थित होते.
