जळगाव मिरर | ३ जुलै २०२५
आपले मेडिकल रिप्रेझेंटेटिव्हचे काम आटोपून चाळीसगाव येथे घराकडे परतणाऱ्या तरुणाच्या दुचाकीला मारूती स्विफ्ट कारने जबर धडक दिल्याने झालेल्या भीषण अपघातात तरुणाचा जागीच मृत्यू झाल्याची घटना मेहूणबारे येथील गिरणा पुलावर बुधवारी दुपारी १२ वाजेच्या सुमारास घडली.
सविस्तर वृत्त असे कि, शहरातील अनिल नगरभागातील ऊजेर अब्दुल रशिद शेख (वय २७) हा तरुण त्याच्या दुचाकी (एमएच- २०, एफडब्ल्यू – ६३६८) वरून मेहूणबारे येथे एमआरच्या कामानिमित्त आला होता. काम आटोपून चाळीसगावकडे येत असताना धुळ्याकडून चाळीसगावकडे भरधाव वेगाने जाणाऱ्या मारूती स्विफ्ट कार (यूपी- १९, व्ही- ७९२२) ने ऊजेर शेख याच्या दुचाकीला मागाहून जबर धडक दिली. यामुळे ऊजेर हा रस्त्यावर असलेल्या लोखंडी कठड्यावर पडला, यात ऊजेरच्या कपाळास व डोक्याला गंभीर इजा झाल्याने त्याचा जागीच मृत्यू झाला. ही घटना बुधवारी दुपारी १२ वाजेच्या सुमारास घडली.
याप्रकरणी जहांगिर नजीर सैय्यद यांच्या फिर्यादीवरून हरियाणातील कारचालक मोहमद उसामा रियाज अहमद याच्याविरोधात मेहूणबारे पोलीस ठाण्यात गुन्हा दाखल करण्यात आला आहे. स.पो.नि. प्रवीण दात्रे यांच्या मार्गदर्शनात पोलीस तपास करत आहेत.
