चोपडा :प्रतिनिधी
चोपडा येथील महात्मा गांधी शिक्षण मंडळ संचलित ऑक्सफर्ड इंग्लिश मीडियम स्कूलच्या विद्यार्थ्यांनी कांगारूज् ऑल इंडिया आर्ट कॉम्पिटिशन २०२१-२२ मध्ये सहभागी होऊन राष्ट्रीय पातळीवर आयोजित केलेल्या चित्रकला आणि सुंदर हस्ताक्षर स्पर्धांमध्ये उत्तुंग यश संपादन केले.
संचिता संजय बारी (इयत्ता नववी) आणि सृष्टी विष्णू सैंदाणे (सातवी) या विद्यार्थीनींनी राष्ट्रीय पातळीवर सुंदर हस्ताक्षर स्पर्धेमध्ये चौथा क्रमांक प्राप्त केला आहे. प्रशस्तीपत्र, स्मृतिचिन्ह आणि बॅडमिंटन रॅकेटस् देऊन त्यांना गौरविण्यात आले. अस्मिता अनिल शिरसाठ (दहावी), कलश संदेश शिरसागर (चौथी) यांना चित्रकला स्पर्धेत यश संपादन केल्याने लिटिल स्टार अवॉर्ड आणि स्मृतिचिन्ह देऊन सन्मानित करण्यात आले. खुशी नरेंद्र पाटील (दहावी), लुईझा ऐराज तनवीर खान (आठवी), अनुष्का जितेंद्र सुर्वे (सहावी), गौरव विजय सोनवणे (सातवी) या विद्यार्थ्यांना सुंदर हस्ताक्षर स्पर्धेत उत्तेजनार्थ पारितोषिक देऊन सन्मानित करण्यात आले. सोनाक्षी विशाल गेही (पाचवी), माही पराग पाटील (पहिली), प्रज्ञा किरण साळुंखे (दुसरी), हितार्थ साळुंखे (दुसरी), नयन संदीप पाटील (तिसरी), मंजुश्री बापूसाहेब शिंदे (चौथी), पूर्वा अमोलराव देशमुख (पाचवी), गार्गी शशिकांत कुमावत (पहिली) या विद्यार्थ्यांना चित्रकला स्पर्धेत उत्तेजनार्थ पारितोषिके देऊन सन्मानित करण्यात आले. या सर्व विद्यार्थ्यांना कला शिक्षक शकील अहमद यांचे मार्गदर्शन लाभले.
सर्व पुरस्कार प्राप्त विद्यार्थ्यांचे संस्थेचे अध्यक्ष अॕड. संदीप पाटील, उपाध्यक्षा आशा पाटील, सचिव डॉ. स्मिता पाटील, मुख्याध्यापिका ममता न्याती, उपमुख्याध्यापिका परमेश्वरी राजकुमार, समन्वयक एन. एस. सोनवणे आणि डी. एस. पाटील, सर्व शिक्षक व शिक्षकेतर कर्मचारी यांनी अभिनंदन केले. कार्यक्रमाचे सूत्रसंचालन संदीप सोनवणे यांनी केले.
