जळगाव : प्रतिनिधी
जळगाव जिल्हा ॲथलेटिक्स असोसिएशन तर्फे जागतिक ॲथलेटिक्स दिन शारीरिक शिक्षणशास्त्र महाविद्यालय येथे साजरा करण्यात आला प्रारंभी ॲथलेटिक्स साहित्याचे पूजन महाराष्ट्र ॲथलेटिक्स असोसिएशनचे उपाध्यक्ष तथा जळगाव जिल्हा ॲथलेटिक्स असोसिएशनचे अध्यक्ष शिवछत्रपती पुरस्कार्थी डॉ नारायण खडके व जळगाव जिल्हा ॲथलेटिक्स असोसिएशनचे कार्याध्यक्ष डॉ पी.आर.चौधरी यांनी केले याप्रसंगी ॲड. तुळशीराम नेमाडे, अशोक कोल्हे, राष्ट्रीय खेळाडू बन्सी माळी, विजय सैंदाणे, योगेश सोनवणे, विजय विसपुते, निलेश पाटील, नितीन पाटील, जितेंद्र शिंदे, डॉ.विजय पाटील, प्रा.ईकबाल मिर्झा, मुख्याध्यापक आर.एस. चौधरी, साजिद पठाण यांची उपस्थिती होती याप्रसंगी ॲथलेटिक्स खेळाच्या परिसंवादाचे आयोजन करण्यात आले होते यात जळगांव जिल्हा ॲथलेटिक्स असोसिएशनचे सचिव राजेश जाधव यांनी आजच्या दिवसाचे महत्व व साजरा करण्याचा उद्देश यावर सविस्तर माहिती दिली.
याप्रसंगी राष्ट्रीय ॲथलेटिक्स खेळाडू संजय मोती, संजय तायडे, धीरज जावळे, तेजस तायडे यांचा सत्कार करून त्यांना सन्मानित करण्यात आले कार्यक्रमास जळगाव जिल्हा ॲथलेटिक्स असोसिएशनचे पदाधिकारी, सिनियर खेळाडू व कार्यकर्ते यांची उपस्थिती होती. कार्यक्रमाचे सूत्रसंचालन निलेश पाटील यांनी तर आभार प्रदर्शन योगेश सोनवणे यांनी केले.
