पाचोरा : प्रतिनिधी
सामाजिक न्याय व विशेष सहाय्य विभागच्या वतीने स्वातंत्र्याच्या अमृत महोत्सव व महाराष्ट्र दिनाचे औचित्य साधुन दि. १ मे रोजी पाचोरा येथील विविध शासकिय कार्यलयात झेंडावंदना नंतर ‘सामाजिक न्याय विभागाच्या योजनांचा जागर’ कार्यक्रमातंर्गत राज्यभरात जिल्हास्तरापासुन ते ग्रामस्तरा पर्यंत समाजकल्याणच्या योजनांच्या घडीपत्रिका वाटप व वाचन होत आहे.
पाचोरा येथील तहसिल कार्यलय, उपविभागीय कार्यालय, पोलिस स्टेशन, नगरपालिका विविध शासकिय विभागात घडी पत्रिका देण्यात आल्या. तत्पुर्वी पंचायत समिती येथे अनुसुचित जाती व नवबौध्द घटकांच्या शैक्षणिक, आर्थिक, सामाजिक उन्नती व्हावी यासाठी समाजकल्याण, बार्टी व महामंडाळा मार्फत राबविल्या जाणाऱ्या योजनांचे वाचन करण्यात आले. याप्रसंगी गटविकास अधिकारी अतुल पाटील, समाजकल्याण तालुका समन्वयक अनिल पगारे, पाचोरा पंचायत समिती कार्यालय अधिक्षक टेकाडे, डी. एस. सुरवाडे, राजेन्द्र धस, सुनिल पाटील, ईश्वर देशमुख, विजय साळवे सह अधिकारी व कर्मचारी उपस्थित होते.
सामाजिक योजनांचा जागर कार्यक्रमातंर्गत समाजकल्याण विभागाचे तालुका समन्वयक अनिल पगारे यांनी उपविभागीय अधिकारी डॉ. विक्रम बांदल, तहसिलदार कैलास चावडे, पोलिस निरिक्षक किसनराव नजनपाटील यांची प्रत्यक्ष भेट घेऊन योजनांची घडीपत्रिका दिली. सदर समाजकल्याण योजनांचा जागर कार्यक्रम सहायक आयुक्त योगेश पाटील यांच्या मार्गदर्शनाखाली घेण्यात आला.
