जळगाव मिरर | २७ मे २०२५
मुंबई शहरातील विक्रोळी येथे सोमवारी रात्री एक धक्कादायक घटना उघडकीस आली आहे. येथील विक्रोळी पूर्वेला असणाऱ्या कन्नमवार नगरमध्ये २५ वर्षीय तरुणीने २२ व्या मजल्यावरून उड्डी मारून आत्महत्या केल्याची घटना घडली आहे. या घटनेमुळे मोठी खळबळ उडाली आहे. हर्षदा तांदोलकर वय २५ असे आत्महत्या केलेल्या तरुणीचे नाव असून, तिने आत्महत्या का केली याचे कारण अद्याप स्पष्ट झालेली नाही. येथील इमारत क्रमांक 97 मध्ये हा प्रकार घडला आहे.
मिळालेल्या माहितीनुसार, सोमवारी रात्री या तरुणीने इमारतीच्या 22 व्या मजल्यावर असलेल्या टेरेसवर जाऊन खाली उडी मारली. २२ व्या मजल्यावरून उड्डी मारल्याने या तरुणीच्या शरीराचे दोन तुकडे झाल्याचे प्रत्यक्षदर्शिनीं सांगितले आहे. ही घटना इतकी भयंकर होती की या तरुणीचा जागीच मृत्यू झाला. या घटनेची माहिती पोलिसांना मिळताच पोलीस घटनास्थळी दाखल पंचनामा करून तरुणीचा मृतदेह ताब्यात घेतला आहे.
मात्र, या तरुणीने कोणत्या कारणामुळे आपले जीवन संपवले याबाबत माहिती मिळू शकलेली नाही. पोलिसांकडून या घटनेचा पुढील तपास करण्यात येत आहे. या तरुणीला कोणता मानसिक किंवा शारीरिक त्रास होता का याचा देखील तपास पोलीस करत आहेत. या घटनेमुळे कन्नमवार नगरमध्ये मोठी खळबळ उडाली आहे.
