जळगाव मिरर | २० जुलै २०२६
पारोळा तालुक्यातील सांगवी येथील एका ६१ वर्षीय वृद्धाने घरात गळफास घेत आत्महत्या केल्याची घटना उघडकीस आली. शिवदास गंगाराम पाटील असे मृत वृद्धाचे नाव आहे.
मिळालेली माहितीनुसार, शनिवारी सकाळी नऊच्या सुमारास शिवदास पाटील (वय ६१) रा. सांगवी ता पारोळा यांनी आपल्या राहत्या घरातील छताच्या पाईपाला दोरी बांधून गळफास घेत आत्महत्या केली. घटना लक्षात येताच कुटुंबीयांसह लोकांनी त्यांना तात्काळ पारोळा येथील कुटीर रुग्णालयात दाखल केले, तेथे त्यांना डॉक्टरांनी तपासून मृत घोषित केले. याबाबत मुलगा योगेश पाटील यांच्या माहितीवरून पारोळा पोलीस ठाण्यात अकस्मात मृत्यूची नोंद करण्यात आली आहे. पुढील तपास हवालदार कैलास साळुंखे करीत आहेत.
