जळगाव मिरर / १९ ऑक्टोबर २०२२
कोणत्याही व्यक्तीतील आपल्या ओठ सुदंर दिसण्यासाठी विविध उपाय करीत असतात पंरतु जर तुमचे ओठांचा रंग बदलत असेल, तर हि बातमी तुमच्यासाठी खूप महत्वाची ठरू शकते, बदलणाऱ्या ओठांचा रंग हा तुमच्यात असलेले आजारपणाचे लक्षण आहे, व त्यावर तुम्ही उपाय केला कि ते जाऊ शकतात. मेरठ मेडिकल कॉलेजच्या स्किन डिपार्टमेंटचे एचओडी डॉ. अमरजीत सिंह यांच्याकडून जाणून घेऊया, ओठांचा रंग आरोग्याची स्थिती कशी सांगतो….
ओठांच्या रंगाचा इशारा
प्रत्येकाच्या ओठांचा रंग जन्मापासून वेग-वेगळा असतो. पण जर तुम्हाला ओठांच्या रंगात सामान्य रंगाव्यतिरिक्त बदल दिसू लागला तर त्याकडे दुर्लक्ष करू नये. हे आरोग्याशी संबंधित अनेक संकेत असू शकतात.
गुलाबी किंवा पांढरे ओठ
ओठ हलके गुलाबी, पांढरे किंवा राखाडी झाले तर दोन्ही हात आणि पायांना थंडी जाणवते. फिकट गुलाबी, पांढरे किंवा राखाडी ओठ हे अशक्तपणाचे लक्षण असू शकतात, म्हणजे शरीरात रक्ताची कमतरता. अशी लक्षणे दिसल्यास लोहयुक्त पदार्थ जसे हिरव्या भाज्या, खजूर आहारात घ्याव्यात.
ओठ लाल होणे
लाल ओठ असणे चांगले मानले जाते. पण, अचानक ओठ लाल होणे यकृत समस्या सूचित करतात. अशा स्थितीत पुन्हा पुन्हा खाण्याची इच्छाही होऊ शकते. त्यामुळे वजनही वाढू शकते. म्हणून, समस्येच्या सुरूवातीस डॉक्टरांशी संपर्क साधणे चांगले आहे.
ओठांचा रंग पिवळा
रक्तातील बिलीरुबिनचे प्रमाण वाढल्यामुळे ओठांचा रंग पिवळा होतो. यकृताशी संबंधित कोणतीही समस्या असली किंवा ती नीट काम करत नसेल तरीही असे होते. काही प्रकारच्या विषाणूजन्य संसर्गामुळेही ओठांचा रंग पिवळा होतो.
निळे ओठ
रक्तातील ऑक्सिजनची कमतरता आणि फुप्फुस किंवा हृदयाच्या कामात अडथळा निर्माण झाल्यामुळे कार्बन डाय ऑक्साईडचे प्रमाण जास्त झाल्याने ओठ निळे पडतात. ओठ अचानक निळे पडणे ही देखील आपत्कालीन परिस्थिती आहे. जर बाळ जन्मानंतर लगेच रडले नाही तर ते फुप्फुसांच्या अयोग्य कार्यामुळे होते. त्यामुळे त्याचे ओठ निळे पडतात.
जांभळा किंवा हिरवा ओठ
हे थंडीमुळे होते. पण, जर थंडीनंतरही ओठांचा रंग तसाच राहिला तर काळजी घ्यायला हवी. ओठांचा रंग बदलणे आणि जांभळे होणे हे हृदय किंवा श्वासोच्छवासाशी संबंधित समस्या दर्शवते.
कोरडे ओठ
ओठ कोरडे होणे हे डिहायड्रेशनचे लक्षण आहे. जर तुमचे ओठ दीर्घकाळ कोरडे असतील तर हायपोथायरॉईडची समस्या असू शकते. हायपोथायरॉईडच्या लक्षणांमध्ये अशक्तपणा, खोकला, वजन वाढणे यासह इतर अनेक समस्या असू शकतात. त्यामुळे ओठ दीर्घकाळ कोरडे राहिल्यास त्यावर उपचार करणे आवश्यक आहे.
नैसर्गिक गुलाबी
नैसर्गिक गुलाबी ओठ हे तुमच्या फिटनेसचे लक्षण आहेत. नैसर्गिक गुलाबी रंग उत्तम आरोग्याचे लक्षण आहे.
ओठांना असे बनवा हेल्दी
झोपण्यापूर्वी ओठांवरची लिपस्टिक चांगली काढा.
आहारात सॅलड आणि व्हिटॅमिन-सी युक्त फळे आणि भाज्या खा.
लिपस्टिक लावण्यापूर्वी पेट्रोलियम जेली किंवा खोबरेल तेल वापरा.
रोज तूप, दुधाची साय, बदामाचे तेल वापरल्याने ओठ चांगले राहतात.
दररोज 2-3 लिटर पाणी, नारळ पाणी प्या. यामुळे शरीरातील लिपिड मेटाबॉलिझमची पातळी नियंत्रित राहते.
बेरंग ओठांवर उपचार
फिकट झालेले ओठ सुधारण्यासाठी सध्याचे वैद्यकीय उपचार उपलब्ध आहेत. हा उपचार करून ही समस्या दूर होऊ शकते. औषध घेतल्याने ओठांचा रंग बदलला तर डॉक्टरांचा सल्ला घ्यावा. या उपचारांचा उपयोग स्किन डिस्कलरेशनसाठी केला जातो. ओठांचा बदललेला रंग दुरुस्त करता येतो. यासाठी तुम्ही होम स्किन सोल्युशन वापरू शकता.
सूर्यप्रकाशापासून अंतर- सूर्यप्रकाशात जास्त वेळ घालवल्यामुळे ओठांचा रंग खराब होऊ शकतो, अशा परिस्थितीत लोकांनी सूर्यप्रकाशापासून जास्तीत जास्त अंतर ठेवण्याचा प्रयत्न करावा.
ओठांना मॉइश्चरायझ करा – चेहरा आणि शरीरासोबतच ओठांनाही मॉइश्चरायझ करणे आवश्यक आहे. त्यामुळे ग्लिसरीन, व्हिटॅमिन-ई आणि बदामाचे तेल ओठांना मॉइश्चरायझ करून ओठांची आर्द्रता टिकवून ठेवते.
