जळगाव मिरर । २५ ऑक्टोबर २०२२
देशात सध्या महागाईचा फटका सर्वसामान्य नागरिकांना मोठ्या प्रमाणात बसत आहे. आता प्रधानमंत्री जन-धन योजना खातेधारकांना बँकिंग सेवांचा लाभ आणि फायदा मिळण्यासाठी प्रयत्न सुरु करण्यात आले आहेत. सरकारच्या निर्णयामुळे आता बँक खातेधारकांना अनेक आर्थिक लाभ मिळू शकणार आहेत. पंतप्रधान नरेंद्र मोदी यांनी १५ ऑगस्ट २०१४ रोजी प्रधानमंत्री जन-धन योजनेची घोषणा त्यांच्या स्वातंत्र्यदिनानिमित्त झालेल्या भाषणात करण्यात आली होती. त्याचवेळी आर्थिक समावेशनाला चालना देण्यासाठी २८ ऑगस्ट २०१४ रोजी सुरू करण्यात आली होती.
येथील नागरिकांना बँकिंग, रेमिटन्स, क्रेडिट, विमा, पेन्शन यांसारख्या आर्थिक सेवांमध्ये परवडणाऱ्या दरात त्यांना सेवा मिळावी यासाठी राष्ट्रीय अभियान सुरू करण्यात आले. प्रधानमंत्री जन-धन योजनेचे खातेदार खात्यावर पैसे नसतानाही 10,000 रुपयांपर्यंत ओव्हरड्राफ्ट सुविधांचा लाभ घेऊ शकणार आहेत. ही ओव्हरड्राफ्ट मर्यादा आधी 5,000 रुपयापर्यंत होती. त्यानंतर ती दुप्पट करून 10,000 रुपये करण्यात आली आहे. 2,000 रुपयांपर्यंतचा ओव्हरड्राफ्ट कोणत्याही अटीशिवाय उपलब्ध होऊ शकणार आहे. खातेधारकांनी ओव्हरड्राफ्ट सुविधांचा लाभ घेण्यासाठी तुमचे जन धन खाते कमीत कमी 6 महिने जुने असले पाहिजे, अन्यथा तुम्हाला फक्त रु.2,000 पर्यंतचा ओव्हरड्राफ्ट मिळू शकणार आहे. ओव्हरड्राफ्टसाठीची वयोमर्यादा ही 60 वरून 65 वर्षे करण्यात आली आहे. PMJDY खाती थेट लाभ हस्तांतरण (DBT), प्रधानमंत्री जीवन ज्योती विमा योजना (PMJJBY), प्रधानमंत्री सुरक्षा विमा योजना (PMSBY), अटल पेन्शन योजना (APY), सूक्ष्म युनिट विकास आणि पुनर्वित्त एजन्सी बँक (MUDRA) या योजनांसाठी पात्र असणार आहेत.
