जळगाव मिरर । २७ ऑक्टोबर २०२२
राज्याच्या राजकारणात राणे परिवार नेहमीच सक्रीय दिसून आपली प्रतिक्रिया देत असतात, नुकतेच नितेश राणे यांनी “नोटांवर छत्रपती शिवाजी महाराजांचा फोटा हवा” अशी मागणी केली आहे. दिल्लीचे मुख्यमंत्री अरविंद केजरीवाल यांच्यानंतर नितेश राणे यांनी ट्विट करत ही मागणी केली आहे. “ये परफेक्ट है” असे म्हणत राणे यांनी नोटवर शिवाजी महाराजांचा असलेला फोटो शेअर केला आहे.
भारतीय चलनी नोटांवर महात्मा गांधीजींसोबतच श्रीगणेश आणि देवी लक्ष्मीचा फोटो छापा, अशी अफलातून मागणी आम आदमी पक्षाचे राष्ट्रीय संयोजक व दिल्लीचे मुख्यमंत्री अरविंद केजरीवाल यांनी बुधवारी पंतप्रधान नरेंद्र मोदी यांना उद्देशून केली. त्यानंतर नितेश राणे यांनी महाराष्ट्रातून शिवरायांच्या फोटोंची मागणी केली आहे.
Ye perfect hai ! 😊 pic.twitter.com/GH6EMkYeSN
— nitesh rane ( Modi ka Parivar ) (@NiteshNRane) October 26, 2022
केजरीवालांचे गुजरात कार्ड
ही मागणी म्हणजे गुजरात निवडणुकीसाठी केजरीवाल यांनी हिंदुत्वाचे कार्ड खेळल्याचे मानले जात आहे. ‘लक्ष्मीला समृद्धीची देवी मानले जाते, तर गणपती विघ्नहर्ता आहे. आम्ही सर्व नोटा बदला असे सांगत नाही. किमान नवीन नोटांवर ही सुरुवात तर भारतीय अर्थव्यवस्था रूळावर केली जाऊ शकते, असे केजरीवाल म्हणाले. इंडोनेशियात 85 टक्के मुस्लीम आणि केवळ दोन टक्के हिंदू आहेत. मुस्लीम राष्ट्र असूनही तिथल्या नोटांवर गणपतीचे छायाचित्र असल्याचेही ते म्हणाले.
निर्णय घेण्याचे आवाहन
भारताला विकसित आणि समृद्ध देश म्हणून ओळख मिळवावी अशी देशवासियांची इच्छा आहे. परंतु, आपली अर्थव्यवस्था अत्यंत नाजूक टप्प्यावर आहे. डॉलरच्या तुलनेत रुपया दिवसेंदिवस कमकुवत होत आहे. याचा फटका सर्वसामान्यांना सहन करावा लागत आहे. यात सुधारणा करण्यासाठी केंद्र सरकारने हा निर्णय घेण्याचे आवाहन केजरीवाल यांनी केले.
आंबेडकरांचा फोटो का नाही?
केजरीवाल हे धर्माची नशा विकण्याचे काम करीत आहेत. त्यांच्यात व मोदींमध्ये फारसा फरक नाही. चलनी नोटांवर महात्मा गांधींसोबतच डॉ. बाबासाहेब आंबेडकर यांचा फोटो का नाही? असा सवाल काँग्रेस नेते नितीन राऊत यांनी केला आहे.
