जळगाव मिरर / ६ नोव्हेंबर २०२२
एक तरूण तरूणी एकत्र आल्यावर लिव्ह इन रिलेशनशिपमध्ये राहत होते. तर तरूणीने तरूणाला रेपच्या गुन्ह्यात अडकवेल अशी धमकी देत त्याच्या वडिलांच्या नावावर असलेले घर, दागिने व रोकड मागितले परंतु तरूणाने ते देण्यास नकार दिला त्यामुळे तरुणीने वाद घातला असता, तरूणाने तिच्यापासून कायम मुक्ती मिळावी म्हणून जे पाऊल उचलले ते टोकाचे ठरले आहे. ही घटना 3 ऑगस्ट रोजी घडली होती तर याप्रकरणी भोसरी पोलिस स्थानकाज 5 नोव्हेंबर रोजी गुन्हा दाखल करण्यात आला आहे.
चंद्रमा सिमंचाल मुनी (वय -28) असे खून झालेल्या तरुणीचे नाव असून ती मूळची ओरिसा राज्याची रहिवासी होती. रामदास पोपट तांबे (वय 30, रा. भोसरी,पुणे, मु रा. तांबेवाडी, ता. पाथर्डी, अहमदनगर) असे गुन्हा दाखल झालेल्या तरुणाचे नाव आहे. याप्रकरणी पोलिस नाईक लक्ष्मण डामसे (37) यांनी भोसरी पोलिस ठाण्यात आरोपी विरोधात फिर्याद दिली.
काय आहे घटना
पोलिसांनी दिलेल्या माहितीनुसार, आरोपीची मैत्रीण असलेल्या तरुणीने वडिलांच्या नावावर असलेल्या दोन घरांपैकी एक घर तिच्या नावावर करून द्यावे, तसेच पैसे आणि दागिनेही द्यावे अशी मागणी केली. त्यासाठी तिने आरोपीच्या नावाचा वापर करण्याचा प्रयत्न केला. आरोपीला ते पटत नसल्याने त्यांच्यात वाद वाढले. आरोपीने साथ न दिल्यास लैंगिक अत्याचाराच्या गुन्ह्यात अडकवणार, अशी धमकी तिने दिली. तिच्यापासून कायमची सुटका करून घेण्यासाठी आरोपीने तरुणीला जीवे मारण्याच्या उद्देशाने भोसरी येथून केळगाव येथे नेले. तिथे नदी पात्रात तिची विल्हेवाट लावली, असे फिर्यादीत नमूद आहे. त्यानंतर त्याने सदर तरुणी बेपत्ता झाल्याची तक्रार नुकतीच पोलिसांकडे दाखल केली होती त्यानंतर पोलिस तपासात तक्रारदारानेच खून केले असल्याचे उघडकीस आले आहे.
भोसरी पोलीस ठाण्याचे वरिष्ठ पोलीस निरीक्षक भास्कर जाधव म्हणाले, आरोपी रामदास पोपट तांबे याने त्याची मैत्रीण चंद्रमा सिमांचल मुनी ही तीच्या वडीलांशी, त्यांच्या दोन घरांपैकी एक घर तीच्या नावावर करून देण्यासाठी वाद घालुन त्यांच्याकडुन रक्कम, दागिने तसेच घर नावावर करून घेण्यासाठी आरोपीच्या नावाचा वापर करण्याचा प्रयत्न करीत होती. परंतु आरोपीला ते पटत नसल्याने त्यांच्यातील वाद वाढू लागले. तसेच आरोपीने जर तीला साथ नाही दिली तरी ती आरोपीला रेपच्या गुन्ह्यात अडकवण्याची वारंवार धमकी देवु लागली. त्यामुळे आरोपीने तीच्या पासून कायमची सुटका करण्याचे मनात ठरवले. भोसरी येथील राहते घरुन तीला जीवे ठार मारण्यासाठी तीचे अपहरण करून तीची केळगाव ता. खेड, जि. पुणे येथे नदीपात्रात विल्हेवाट लावली असल्याचे चौकशीत निष्पन्न झाले आहे.
