जळगाव मिरर / १६ नोव्हेंबर २०२२
शिवसेनेचे खा. संजय राऊत यांना तब्बल 100 दिवसानंतर बुधवारी ९नोव्हेंबर रोजी कोर्टाकडून जामीन मंजूर करण्यात आला होता. त्यानंतर राऊत पुन्हा राज्यातील राजकारणात सक्रिय झाल्याचे दिसून आले व त्यांनी उपमुख्यमंत्री फडणवीस यांची भेट घेणार आहे. असे सांगतिले त्यामुळे राज्यातील राजकारणाचे लक्ष राऊत यांच्याकडे होते तर दुसरीकडे शिवसैनिकांना त्यांना आवाहन केलेय कि मी येतोय. तर आज ईडीनं चौकशीसाठी संजय राऊत यांना पुन्हा नोटीस पाठवली आहे. 18 नोव्हेंबर रोजी चौकशीसाठी हजर राहण्याची नोटीस ईडीकडून राऊतांना पाठवण्यात आली आहे. त्याशिवाय संजय राऊत यांचा जामीन रद्द करावा, अशी याचिका ईडीनं कोर्टात केली आहे.
शिवसेना खासदार संजय राऊत यांना ईडीकडून नोटीस आली आहे. चौकशीसाठी हजर राहण्याचं या नोटीसमध्ये म्हटलं आहे. विशेष पीएमएलए कोर्टातून संजय राऊत यांना जामीन देत असताना चौकशीसाठी व तपासासाठी सहकार्य करावे अशी अट ठेवण्यात आली होती. त्यामुळे पत्राचाळ प्रकरणातील तपास ईडीने अजूनही पुढे सुरू ठेवला आहे, आणि त्याच प्रकरणातील चौकशीसाठी पुन्हा एकदा संजय राऊत यांना हजर राहण्यासंबंधी नोटीस पाठवण्यात आली आहे. 18 नोव्हेंबर रोजी संजय राऊत यांना चौकशीसाठी हजर राहण्याची नोटीस पाठवण्यात आली आहे.
संजय राऊतांचा जामीन रद्द करण्याकरता ईडीच्यावतीने सुधारीत याचिका मुंबई उच्च न्यायालयात दाखल करण्यात आली आहे. गेल्या आठवड्यातील याचिका घाईघाईनं तातडीच्या सुनावणीसाठी दाखल केल्यानं सुधारीत याचिका दाखल करण्यासाठी हायकोर्टानं ईडीला मंजूरी दिली होती. लवकरच संजय राऊत यांच्यावतीनंही याला कोर्टात उत्तर दिलं जाईल. न्यायमूर्ती भारती डांगरे यांच्यासमोर 25 नोव्हेंबरपासून सुनावणी सुरू होणार आहे. मुंबई सत्र न्यायालयानं दिलेल्या जामीनाविरोधात ईडीनं हायकोर्टात धाव घेतली आहे.
