धरणगाव : प्रतिनिधी
जागतिक दिव्यांगदिनानिमित्ताने गुरुकुल इंग्लिश मीडियम स्कूल मधील प्राध्यापिका, शिक्षिका व मुले यांनी मूकबधिर शाळेला भेट देवून विद्यार्थांना कपडे, फळ वाटप करण्यात आले.
येथील गुरुकुल इंग्लिश मिडीयम स्कूलचे चेअरमन आनंदराव पवार सर आणि व्हाईस चेअरमन सौ. मालतीताई पवार मॅडम, प्राध्यापिका वैशाली नितीन पवार मॅडम, शुभांगी पवार मॅडम, तिलोचना बडगुजर मॅडम, राधा भंडारी मॅडम, शिक्षकेतर कर्मचारी माधुरीताई आणि चौथी व पाचव्या वर्गातील मुले या सर्वांनी मूकबधिर शाळेला भेट दिली व मुलांना प्राध्यापिका मॅडम यांनी कपडे, फळे वाटप केला.
शाळेतील चौथी आणि पाचवीच्या वर्गातील मुलांनी पण मूकबधिर मुलांकरिता स्वेटर ,चॉकलेट, बिस्कीट ,खाद्यपदार्थ इत्यादी वस्तू आणल्या होत्या त्या त्यांना दिल्या. हे सर्व बघून मुलांना अत्यंत आनंद झाला. हा क्षण सर्वांसाठी अविस्मरणीय असा होता. यावेळी मूकबधिर शाळेतील भडांगे सर व चंदू पाटील सर उपस्थित होते.
