जळगाव मिरर / १ एप्रिल २०२३ ।
निमखेडी शिवारातील पटेल नगर येथे पैशांच्या वादातून क्रिष्णवर्धन राजेंद्र पाटील (२२, रा. पटेल नगर) या तरुणाला दोन जणांनी लोखंडी रॉड व कुलप डोक्यात मारून जखमी केल्याची घटना बुधवारी रात्री ८.३० वाजेच्या सुमारास घडली.
याप्रकरणी गुरुवारी तालुका पोलिस ठाण्यात गुन्ह्याची नोंद करण्यात आली आहे. क्रिष्णवर्धन हा बुधवारी रात्री ८.३० वाजेच्या सुमारास घराजवळ उभा होता. त्यावेळी दोन जण त्याच्याजवळ आले व त्यांनी ५० हजार रुपयांची मागणी क्रिष्णवर्धन याने याविषयावर सकाळी बोलू असे म्हटल्यावर दोघांनी त्यांना शिवीगाळ करून मारहाण केली. दोघापैकी एका जणाने डोक्यात कुलूप मारले तर दुसऱ्याने डोक्यात रॉड मारून दुखापत केली. त्यानंतर गुरुवारी जखमी तरुणाच्या फिर्यादीवरून गुन्ह्याची नोंद करण्यात आली आहे.