जळगाव मिरर / १६ एप्रिल २०२३ ।
देशाभरातील मोठ मोठ्या शहरामध्ये वेळेवर कामावर जाण्यासाठी लोकल व बसचा आधार घ्यावा लागत असतो अशाच वेळी बस व लोकलमध्ये भांडण हे ठरलेले असते तर काही ठिकाणी धिटाईने बसण्यासाठी जागा मिळत असते. असेच बरेचशे व्हिडीओ सोशल मिडीयावर व्हायरल होत असतात. तसाच एक व्हिडीओ व्हायरल होत आहे. सध्या समोर आलेला व्हिडीओ दिल्लीच्या डीटीसी बसचा आहे, ज्यामध्ये सीटसाठी दोन महिलांमध्ये जोरदार भांडण सुरू आहे.
यावेळी तेथे उपस्थित प्रवासी भांडण शांत करण्यासाठी सर्वतोपरी प्रयत्न करताना दिसत आहेत, परंतु भांडण कमी होण्याऐवजी आगीप्रमाणे वाढतच जाते. हा व्हिडीओ सोशल मीडियावर चर्चेचा विषय बनला आहे. व्हिडिओमध्ये लेडीज सीटवरून भांडण होत आहे. व्हिडिओमध्ये दिसत आहे की, लेडीज सीटवर एक पुरुष बसला आहे, त्याला एका महिलेने उठण्यास सांगितले, त्यानंतर दुसरी महिला आणि त्याच्या शेजारी बसलेल्या महिलेमधील भांडण वाढले. शेवटी त्या व्यक्तीला उठावे लागते आणि मग या भांडणाला फुलस्टॉप लागला. Sumiti Choudhary नावाच्या फेसबुक अकाऊंटवर हा व्हिडीओ शेअर करण्यात आला आहे. हा व्हिडीओ व्हायरल होत असून व्हिडीओवर अनेक प्रतिक्रिया येत असलेल्या पहायला मिळत आहे. यापूर्वीही लोकल प्रवासादरम्यान भांडण करतानाचे अनेक व्हिडीओ पहायला मिळाले आहेत.
