जळगाव मिरर / १९ एप्रिल २०२३
शहरापासून जवळ असलेल्या एमआयडीसी परिसरात एका २२ वर्षीय तरुणाचा विजेचा धक्का लागल्याने दुर्देवी मृत्यू झाल्याची घटना दि १९ एप्रिल रोजी घडली आहे. या प्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली
मिळालेल्या माहिती नुसार, एमआयडीसी परिसरातील एका प्लास्टिकच्या कंपनीत प्रकाश मजन बारेला (वय २२) रीसायकलींग करण्याच्या कंपनीत दोन्ही भाऊ कामाला होते. प्रकाश बारेला हा पत्नी व लहान भाऊ अनिल बारेला सोबत सुप्रिम कॉलनीत गेल्या महिन्याभरापासून वास्तव्याला होता. १९ एप्रिल रोजी प्रकाश बारेला हा कामावर असतांना दुपारी तीन वाजता रीसायकलींग करणारे मशीन सुरू करण्यासाठी गेल्यानंतर विजेचा जोरदार धक्का बसल्याने यात प्रकाशचा जागीच मृत्यू झाला. इतर सहकार्यांनी तातडीने उचलून जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले. गेल्या तीन महिन्यांपूर्वीच त्याचे लग्न झाल्याची माहिती आहे. या घटनेमुळे बारेला कुटुंबावर दु:खाचा डोंगर कोसळला आहे. मयताच्या पश्चात वडील, पत्नी काजल, दोन भाऊ अनिल आणि बाळू असा परीवार आहे. या घटनेबाबत एमआयडीसी पोलीस ठाण्यात अकस्मात मृत्यूची नोंद करण्यात आली. ल तपास पोलीस नाईक किरण पाटील आणि ढवळे करीत आहे.
