जळगाव मिरर / ३० एप्रिल २०२३ ।
अमळनेरात हॉटेलमध्ये जेवण करून बिल देण्याच्या वादातून दोन मित्रांवर एकाने चाकू हल्ला केल्याची खळबळ जनक घटना काल रात्री घडली. यातील संशयिताच्या पोलिसांनी नाशिक येथून मुसक्या आवळल्या आहेत.
मिळालेल्या माहितीनुसार, शहरातील पैलाड परिसरातील ऋषिकेश श्याम सोनार (वय २२) व तेजस रवींद्र पाटील (22, रा. मिल कंपाऊंड) हे नाशिक जवळील एका देवीचे दर्शन घेऊन अमळनेरात परतले होते. त्यानंतर ते मित्रांसोबत एका हॉटेल मध्ये जेवणासाठी गेले. तेथे बिल भरण्यावरून त्यांच्यात वाद झाला. त्यातून त्यांच्यावर चाकू हल्ला करण्यात आला, यात ऋषिकेश सोनार गांभीर जखमी आहे. धुळे सिव्हिल ला बेशुद्ध अवस्थेत आहे. तर तेजस पाटील ही जखमी आहे. यात मुख्य दादू पाटील असून त्याला नाशिक तेथील त्याचा मित्र दीपक बोरसे याच्याकडून ताब्यात घेतले आहे.
पोलिसांनी त्या दोघानाही ताब्यात घेऊन अमळनेर येथे आणले आहे. घटना कशी आणि काय कारणावरून झाली याची कसून चौकशी करीत आहेत. त्यात आणखी कोणी आहेत का याचा तपास पोलीस करीत आहेत. तर जखमी हे शुद्धीवर आले नसल्याने घटनेचा सविस्तर उलगडा होण्यास अडचणी येत आहे. ते शुद्धीवर आल्यावर खऱ्या घटनेचा उलगडा होईल, असे पोलिसानी सांगितले. पोलिस निरीक्षक विजय शिंदे आणि पोलीस पथकातील योगेश महाजन, निलेश मोरे, घनश्याम पवार, गणेश पाटील यांनी कारवाई केली आहे. तसेच पोलिसांची टीम कसून तपास करीत आहेत.
