जळगाव मिरर | ८ मे २०२३
अल्पवयीन प्रेमात काय करून बसतील हे कदापि सांगता येत नाही अशीच एक घटना राज्यात घडली आहे. अल्पवयीन प्रियकर प्रेयसीच्या घरी कुणीही नसताना तिला भेटायला गेला अन मध्यरात्री घडले ते धक्कादायक यात अल्पवयीन प्रियकराचा दुर्दैवी मृत्यू झाला आहे.
काय आहे घटना ?
कोल्हापूर जिल्ह्यातील राधानगरी तालुक्यातील वाकीघोल येथील १७ वर्षीय शुभंकर संजय कांबळे हा शनिवारी रात्री पाचर्डे येथे आपल्या प्रेयसीला भेटण्यासाठी गेला होता. तो तिला भेटला देखील पण रात्री अडीच वाजेच्या सुमारास प्रेयसीच्या परिवारातील सदस्य अचानक आले. त्या दोघांना येथे हजर असलेल्या अशोक कांबळे यांनी एकमेकांपासुन वेगळे केले. रंगराव कांबळे व संजय कांबळे यांनी त्याच्या उजव्या हाताला दोरी बांधुन त्यास गोविंद कृष्णा कांबळे यांच्या दारातील आंब्याच्या झाडाला बांधून घातले. त्यानंतर याची कल्पना पोलिस पाटील शिल्पा कांबळे यांना दिली. त्यांनी या घटनेची माहिती पोलिसांना दिली.
दरम्यान शुभंकर याने पहाटे पावणे तीनच्या सुमारास हाताला हिसडा मारुन तेथुन अंधारातुन पळण्याचा प्रयत्न केला. गावातील लोक त्याला पकडण्यासाठी त्याच्या पाठी लागले. अंधारातून पळताना रस्ता ओलांडुन पुढे जात असताना अंधारात विहीर न दिसल्याने धोंडीराम गोविंद लाड यांच्या शेतातील विहीरीच्या तो पाण्यात पडला. त्याचा पाण्यात पडुन बुडून मृत्यू झाला. रात्री उशिरापर्यंत मयत शुभंकर याच्या घरची मंडळी घातपाताचा संशय व्यक्त करून पोलिस ठाण्यात तसा गुन्हा दाखल करण्यासाठी थांबून होते.
