जळगाव मिरर | ७ जून २०२३
नवीन मुक्ताई मंदिराच्या जवळ बोदवड रोड लगत एका 45 ते 47 वर्षे वयाच्या तरुणाचे शरीरावर वार केलेल्या अवस्थेत मृतदेह आज आढळून आला. दरम्यान सदरचा तरुण हा रावेर तालुक्यातील चिनावल येथील असल्याचे निष्पन्न झाले आहे या घटनेमुळे सर्वत्र खळबळ उडाली आहे. दरम्यान वृत्तकर्ताच जिल्हा पोलीस अधीक्षकांसह संपूर्ण पोलीस प्रशासन घटनास्थळी दाखल झाले.
मिळालेल्या माहितीनुसार, रावेर तालुक्यातील चिनावल येथील योगेश मधुकर पाटील यांनी पोलिसात दिलेल्या फिर्यादीत म्हटले आहे की , मयत रवींद्र मधुकर पाटील (वय 46 वर्षे) यांचे आज दि.6 जून 2023 रोजी दुपारी दोन वाजेच्या पूर्वी सातोड शिवारात मुक्ताईनगर ते बोदवड रोडाचे लगत असलेल्या नाल्यात वृंदावन हॉटेलच्या जवळ मृतदेह आढळून आला दरम्यान मयत असलेल्या तरुणाचे तोंडावर दगड व ठणक वस्तूच्या , हत्याराच्या सहाय्याने अज्ञात आरोपींनी जबर मारहाण केल्याचे दिसून आले डोक्यावर नाकावर व चेहऱ्यावर जबर मारहाण करून त्या तरुणास जिवे ठार मारले. अशा फिर्यादीवरून मुक्ताईनगर पोलिसात भा.दं.वि.302 प्रमाणे गुन्हा दाखल करण्यात आला आहे.
घटनास्थळी जिल्हा पोलीस अधीक्षक एम. राजकुमार, उपविभागीय पोलीस अधिकारी मुक्ताईनगर उपविभाग राजकुमार शिंदे , परिविक्षाधीन डी.वाय.एस.पी.सतीश कुलकर्णी, पोलीस निरीक्षक राजेंद्र गुंजाळ, स.पो.नी.संदीप दूनगहू , पी.एस.आय.संदीप चेढे व पोलीस कर्मचारी यांनी तसेच फॉरेन्सिकचे पथक यांनी घटनास्थळी भेट देऊन तपासणी केली. दरम्यान, यासंदर्भात माहिती मिळता बरोबर जिल्हा पोलीस अधीक्षक एम. राजकुमार , स्थानिक गुन्हे शाखेचे पोलीस निरीक्षक नजन पाटील, आयपीएस अधिकारी अधिकारी सतीश कुलकर्णी, मुक्ताईनगरचे डीवायएसपी राजकुमार शिंदे , प्रभारी पोलीस निरीक्षक राजेंद्र गुंजाळ, सपोनी संदीप दूनगहू , पोलीस उपनिरीक्षक संदीप चेढे , पोलीस हेड कॉन्स्टेबल विनोद श्रीनाथ, पोलीस नाईक संतोष नागरे तसेच या ठिकाणी फॉरेन्सिक लॅबचे पथकसुद्धा दाखल झाले आहे. तसेच या ठिकाणी पोलीस कर्मचारी धर्मेंद्र ठाकूर, रवींद्र धनगर , विनोद सोनवणे, रवींद्र मेढे तसेच मुक्ताईनगर डी. वाय.एस.पी.कार्यालयाचे पोलीस नाईक कांतीलाल केदारे, पोलीस नाईक देवसिंग तायडे आदींनी घटनास्थळी भेट दिली. सदर घटनेचा तपास सपोनी संदीप दूनगहू हे करीत आहेत.
