जळगाव मिरर | १५ जून २०२३
अमळनेर शहरात दुचाकीच्या मागून येत डंपरने जोरदार धडक दिल्याने शनी मंदिरावरील पुजाऱ्याचा जागीच मृत्यू झाल्याची घटना १४ रोजी दुपारी दीड वाजेच्या सुमारास बोरी नदीच्या फरशी पुलावर घडली.
मिळालेल्या माहितीनुसार, अमळनेर शहरातील शनी मंदिराचे पुजारी मनोज वासुदेव उपासनी (वय ४७) हे आपल्या दुचाकी एम.एच.०३, बी जी ०९१२ ने दि. १४ रोजी दुपारी दीड वाजेच्या सुमारास फरशी पुलावरून जात असताना मागाहून येणाऱ्या एम एच ११, ए एल ५७८३ या डम्परने धडक दिल्याने उपासनी याची मोटरसायकल डंपरच्या चाकात अडकून तो ५० ते ६० मीटर फरफटत ओढला गेला, आणि पुलावरील फुटपाथच्या दगडाचा मार लागून त्याचा जागीच मृत्यू झाला. उपासनी याच्या पुतण्याने अमळनेर पोलीस स्टेशनला खबर दिल्यावरून डंपर चालकविरुद्ध अपघाताचा गुन्हा नोंदविण्यात आला आहे.
