जळगाव मिरर । ७ ऑगस्ट २०२३
समाजाचे नेहमीच रक्षण करण्यासाठी पोलीस कर्तव्यदक्ष असतात तर दुसरीकडे समाजाला रोगापासून दूर ठेवण्यासाठी डॉक्टर अग्रभागी असतात पण याच दोन वर्दीवर असताना पोलीस व डॉक्टरला बेदम मारहाण करण्यात आली असल्याची घटना छत्रपती संभाजीनगरमध्ये घडली आहे. तेथील व्हिडिओ देखील सोशल मीडियावर प्रचंड व्हायरल होत आहे.
मिळालेल्या माहितीनुसार छत्रपती संभाजी नगर सिडको येथील एका रुग्णालयाजवळ शनिवारी संध्याकाळच्या सुमारास कर्तव्यावर असलेल्या डॉक्टरांला मारहाण होत असल्याची घटना पोलिसांना फोन करून सांगितले असता घटनास्थळी पोलीस देखील पोहोचले मात्र जमावाने पोलिसांना न जमता डॉक्टरांसह मध्यस्थी करत असलेल्या पोलिसाला मारहाण करण्यात आले आहे. ही सर्व घटना रस्त्यावर उभे असलेल्या एका व्यक्तीने त्याच्या मोबाईलच्या कॅमेरामध्ये कैद केली असून तो व्हिडिओ सोशल मीडियावर प्रचंड व्हायरल होत आहे. यावेळी पोलिसांनी परिस्थिती नियंत्रणात आणण्यासाठी संशयित आरोपीला त्याची रस्त्यावर उभी असलेली चारचाकी बाजूला लावण्यासाठी सांगितले असता त्याने त्यास नकार दिल्याने आक्रमकरित्या उत्तर देत असल्याने त्यांनी थेट हॉस्पिटलला देखील आग लावू अशी धमकी सुद्धा यात दिली आहे.
Video | Family beat up policeman catching him by the collar in public in Hospital premises in Aurangabad in Maharashtra. Police had arrived on complaint of Doctors being thrashed by a mob. pic.twitter.com/BaoaWXJycy
— MUMBAI NEWS (@Mumbaikhabar9) August 6, 2023
पहिल्यांदा डॉक्टरांना मारहाण होत असताना डॉक्टरांनी लागलीच पोलिसांना फोन करीत तक्रार केली असता त्यावेळेस पोलीस घटनास्थळी आले त्यानंतर आरोपीच्या कुटुंबातील काही सदस्यांनी थेट पोलिसाला देखील पकडून मारहाण केल्याचे व्हिडिओमध्ये कैद झाले त्यांनी एका पोलिसाची कॉलर पकडत त्याला ओढले आणि तेथे जमलेल्या मोठ्या जमावासमोर मारहाण करण्यास सुरुवात देखील केली आहे याप्रकरणी पोलिसांनी तीन संशयित आरोपींची ओळख पटवून त्यांना ताब्यात घेतले असून कोर्टात हजर करण्यात आले असता त्यांची सध्या न्यायालयीन कोठडीत रवानगी झाली आहे.
