जळगाव मिरर | २३ सप्टेंबर २०२३
हातभट्टी दारू विक्रीसह वेगवेगळ्या प्रकारचे एमआयडीसी पोलिस ठाण्यात १४ गंभीर गुन्हे दाखल असलेल्या आझाद बहादूर भाट (४१, रा. सुप्रीम कॉलनी) याला एमपीडीए अंतर्गत स्थानबध्दतेचे आदेश जिल्हाधिकाऱ्यांनी दिले.
आझाद बहादूर भाट याच्यावर एमआयडीसी पोलिस ठाण्याचे पोलिस निरीक्षक जयपाल हिरे यांनी एमपीडीए अंतर्गत कारवाईचा प्रस्ताव जिल्हा पोलिस अधीक्षक एम. राजकुमार यांच्याकडे पाठविला. त्यानुसार जिल्हाधिकारी आयुष प्रसाद यांनी तसे आदेश दिले. त्याला नाशिक मध्यवर्ती कारागृहात स्थानबद्ध केल्याची माहिती स्थानिक गुन्हे शाखेचे वरिष्ठ पोलिस निरीक्षक किसन नजन पाटील यांनी दिली. ही कारवाई पोउनि दीपक जगदाळे, रवींद्र गिरासे, सहायक फौजदार अतुल वंजारी, पो.ना. सचिन पाटील, योगेश बारी, इम्रान सैय्यद, सुधीर साळवे, पोकों विशाल कोळी, राहुल रगडे, हसीना तडवी, स्थानिक गुन्हे शाखेचे सहायक फौजदार युनूस शेख इब्राहिम, पोहेकॉ सुनील दामोदरे, जयंत चौधरी पंडित पाटील यांनी केली
