जळगाव मिरर | १४ ऑक्टोबर २०२३
जळगाव शहरातील एका परिसरात ४२ वर्षीय व्यक्तीने राहत्या घरात गळफास घेत आपली जीवनयात्रा संपविल्याची धक्कादायक घटना आज दि.१४ रोजी दुपारी उघडकीस आली आहे. या प्रकरणी याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. हिरामण मंगल शिंपी (वय-४३) रा. उधना, सुरत गुजरात ह.मु. जयभवानी नगर, मेहरूण, जळगाव असे मयत प्रौढ व्यक्तीचे नाव आहे.
मिळालेल्या माहितीनुसार, सुरत उधना येथील रहिवाशी हिरामण मंगल शिंपी(वय ४२) हे गेल्या दिड महिन्यांपासून जळगाव शहरातील मेहरूण परिसरात राहणारे शालक पवन मधुकर शिंपी यांच्याकडे पत्नी व दोन मुलींसह रहिवासास असून दि. १४ ऑक्टोबर रोजी घरातील सर्व सदस्यांना नातेवाईकांकडे जेवणसाठी बोलविण्यात आले होते.
दुपारी जेवण झाल्यानंतर हिरामण शिंपी हा घरी आला. त्यानंतर दुपारी साडेतीन वाजेच्या सुमारास राहत असलेल्या घराच्या दुसऱ्या मजल्यावरील खोलीत दोरीने गळफास घेवून आत्महत्या केली. आत्महत्या करण्याचे कारण समोर आलेले नाही. हा प्रकार लक्षात आल्यानंतर नातेवाईकांनी आरडाओरड केली, शेजारी राहणाऱ्या नागरीकांनी तात्काळ धाव घेवून खाली उतरवत तातडीने जिल्हा शासकीय वैद्यकीय अधिकारी डॉ. सचिन पाटील यांनी मयत घोषीत केले. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ विकास सातदिवे करीत आहे. मयताच्या पश्चात आईवडील, पत्नी, दोन मुली असा परिवार आहे.