जळगाव मिरर | ६ नोव्हेबर २०२३
राज्यातील राष्ट्रवादी कॉंग्रेस पक्षाचे दिग्गज नेते आ.एकनाथराव खडसे यांना दि.५ रोजी रात्री उशिरा मुंबईतील बॉम्बे रुग्णालयात दाखल करण्यात आले होते. तर सोमवारी सकाळी राष्ट्रवादीचे अध्यक्ष शरद पवार व खा.सुप्रिया सुळे यांनी रुग्णालयात जावून भेट घेत प्रकृतीची चौकशी केली. यावेळी मंदाकिनी खडसे यांनी शरद पवारांना तब्येतीविषयी माहिती दिली.
राष्ट्रवादीचे नेते आमदार एकनाथ खडसे यांना रविवारी हृदयविकाराचा त्रास झाल्यानंतर त्यांना जळगाव येथील एका खासगी हॉस्पिटलमध्ये भरती करण्यात आले होते. तेथे काही तपासण्या व प्राथमिक उपचार केल्यानंतर त्यांना मुंबईत एअर अॅम्ब्युलन्सने हलविण्याच्या निर्णय घेण्यात आला व रात्री आठ वाजेच्या सुमारास आमदार खडसे यांना मुंबईत हलवण्यात आले.
शरद पवार यांनी सोमवारी सकाळी रुग्णालयात जावून खडसेंची भेट घेत प्रकृतीची चौकशी केली. यावेळी मंदाकीनी खडसे व एकनाथ खडसे यांचे खासगी डॉ.अभिषेक ठाकुर यांनी शरद पवारांना तब्येतीविषयी माहिती दिली. एकनाथ खडसे यांची प्रकृती स्थिर असून कार्यकर्त्यांनी काळजी करू नये, अशी माहिती खडसे यांच्या कन्या रोहिणी खडसे यांनी दिली. शरद पवार यांच्या पाठोपाठ सुप्रिया सुळे यांनीदेखील रुग्णालयात जावून आमदार एकनाथ खडसेंशी चर्चा करीत उपस्थितांकडून प्रकृतीची माहिती जाणली.
