भुसावळ : प्रतिनिधी
नुकताच येऊन बॉक्स ऑफिसवर रेकॉर्ड ब्रेक करणारा पुष्पा या चित्रपट सर्वानाच वेड लावले होते. पण अजूनही पुष्पाचा जलवा अजूनही गेलेला नाही तर भुसावळात तर चक्क नगरपालिकेने स्वछता राखण्यासाठी पुष्पा चित्रपटातील फेमस डायलॉग असलेला ‘मैं झुकेगा नहीं साला’ ऐवजी ‘मैं थुकेगा नहीं’ अशी बोलक्या भिंती रंगविल्याने या उपक्रमाचे सर्वत्र कौतुक होत आहे.
पालिकेने शहरात माझी वसुंधरा व स्वच्छ सर्वेक्षण उपक्रमांतर्गत रंगरंगोटी व भिंतीचित्रांवरुन स्वच्छताविषयक संदेश दिले आहेत. जळगाव रोड, जामनेर रोड, जलशुद्धीकरण केंद्र, नगरपालिका प्रशासकीय इमारत, डॉ. बाबासाहेब आंबेडकर मैदान आदी ठिकाणच्या भिंतींवर स्वच्छतेचा संदेश देणारी चित्र काढून भिंती बोलक्या केल्या आहेत.
शहरात माझी वसुंधरा उपक्रमातून जळगाव रोड, जामनेर रोड, जलशुद्धीकरण केंद्र, पालिका प्रशासकीय इमारत, डॉ. बाबासाहेब आंबेडकर मैदानाच्या भिंतींवर स्वच्छतेबाबत जनजागृती करणारे संदेश चित्रांतून रेखाटले आहेत. आगामी लोखंडी पूल व सतारे बोगदा, महामार्गावरील नवोदय विद्यालय वाय पॉइंट, नाहाटा चौफुली, शिवपूर कन्हाळे चौफुली, खडका चौफुली, साकरी फाटा परिसर, वरणगाव वाय पाउंडचा येथील अंडरपासला रंगरंगोटी करुन स्वच्छतेचा संदेश देणारी चित्रे काढली जाणार आहेत. नागरिकांची अधिक ये-जा असलेल्या भागात भिंती बोलक्या करण्याचा पालिकेचा प्रयत्न आहे. यामुळे नागरिकांमध्ये प्रबोधन होईल, असे स्वच्छ सर्वेक्षणाचे प्रमुख नितीन लुंगे यांनी सांगितले.
रेल्वेचे दोन्ही बोगदे, महामार्गाच्या उड्डाणपुलांवर स्वच्छतेचा संदेश देणारी काढली जाणार आहेत. त्यासाठी नियॉन, रेडियम कलरचा वापर होईल. यासाठीचे दर मागवले आहेत. या वेगळ्या रंगांचा वापर केल्याने रात्रीच्या त्यावर प्रकाश पडल्यास ते चमकतील.
