नवी दिल्ली : वृत्तसंस्था
राष्ट्रीय तपास संस्थेने (एनआयए) ठाणे पुण्यासह राज्यातील वेगवेगळ्या भागात ९ डिसेंबर रोजी छापे टाकले होते. तर सोमवारी सॅल्सबरी पार्क परिसरात छापा टाकला असता. एनआयएच्या पथकाने १९ वर्षीय तरुणाला चौकशीसाठी ताब्यात घेतले असून, त्याच्याकडून संशयास्पद कागदपत्रे जप्त करण्यात आले आहेत. एनआयएच्या पथकाने ठाणे शहरातील पडघा आणि राज्यातील वेगवेगळ्या भागात कारवाई करून दहा संशयितांना ताब्यात घेतले होते.
मिळालेल्या माहितीनुसार एनआयएच्या पथकाने पुण्यातील सॅल्सबरी पार्क परिसरात सोमवारी कारवाई करुन एका तरुणाला ताब्यात घेण्यात आले. त्याच्याकडून काही संशयास्पद कागदपत्रे, मोबाइल संच जप्त करण्यात आला. दहशतवादी विचारधारेचा प्रसार, तसेच तरुणांची माथी भडकावून त्यांना दहशतवादी कारवायांमध्ये ओढणाऱ्या आयसिसच्या महाराष्ट्र गटाकडून पुणे, मुंबईसह देशभरात बाँम्बस्फोट करण्याचा कट रचण्यात आला होता.
