भुसावळ :प्रतिनिधी
महिलांच्या सशक्त व सकारात्मक बदलासाठी सदैव प्रयत्नशील राहणार असून स्त्री शक्तीचा मानसन्मान केलाच पाहिजे, महिलांच्या भावनांचा आदर सर्वानी करावा, महिला सशक्तीकरणावर शासनाने सुद्धा अधिक भर देवून त्यांच्या उल्लेखनीय कार्याची दखल घेवून गौरव करीत असल्याचे मत येथील अप्पर रेल्वे प्रबंधक रुकमैय्या मीणा यांनी व्यक्त केले .
शहरातील महिला शक्ति समाज सेवा महिला मंडळ संस्थापक अध्यक्षा अंजुम खान यांचेसह महिला मंडळ सदस्यांनी कार्यकुशल नेतृत्व तथा जिद्द व मेहनतीने परिस्थितीवर मात करून राजस्थान, नाशिक, प्रयागराज सह भुसावळ येथे उल्लेखनीय कार्य करून नावलौकिक मिळवणाऱ्या भुसावळ रेल्वे प्रबंधक कार्यालयात कार्यरत अधिकारी एडीआरएम रुकमैय्या मीणा यांची विशेष भेट घेवून त्यांच्या उल्लेखनीय कार्याचे कौतुक करून सन्मानित करण्यात आले. भेटी दरम्यान रुकमैय्या मीणा यांनी त्यांच्या कष्टमय जीवन प्रवासातील अनुभव सांगीतला.
यावेळी महिला दक्षता समुपदेशक भारती म्हस्के, उज्वला बागुल, निरंजना तायडे, प्रिया अडकमोल यांचेसह श्रीमती छाया, तस्लीमा तडवी, लॉ विद्यार्थिनी प्रतिमा अग्रवाल आदीं उपस्थित होते.
